Auto Dak
Auto Dak
Auto Dak

“Të shtënat” e çdoditshme nga presidenca drejt qeverisë, Meta: drejtësi për Teatrin Kombëtar!

Postimin e radhës, si të “shtëna nga presidenca” ndaj qeverisë, në një betejë me këtë të fundit, kreu i shtetit Meta ia ka dedikuar një përbetimi të tij për drejtësi, referuar asaj që sipas tij, kjo qeveri i ka bërë trashëgimisë.

Duke zgjedhur si simbol shëmbjen e godinës së vjetër të Teatrit Kombëtar, Meta thotë se ai i ka mbajtur shënim të gjitha.

Shfrimi i tij tipik politik, vjen në kuadër të Ditës së Trashëgimisë.

Akti taleban i shembjes së Teatrit Kombëtar, shkatërrimi i shumë vlerave unikale arkeologjike në Durrës dhe dëmtimi i disa monumenteve në mbarë vendin janë dëshmitë ulëritëse më të freskëta se si arroganca, korrupsioni dhe papërgjegjshmëria e një pushteti mund të sjellë dëme të pariparueshme për trashëgiminë tonë kombëtare e kulturore, pjesë e trashëgimisë europiane.

Të gjitha këto krime të rënda kushtetuese, ligjore dhe morale, të konsumuara veçanërisht në Tiranë dhe Durrës ku dëmet kanë qenë të jashtëzakonshme, do të jenë të paamnistueshme!

Sepse këto akte barbarie, për më tepër të kryera nga institucionet shtetërore, janë sulme të drejtpërdrejta ndaj identitetit tonë kombëtar.

Ndaj sot në Ditën Kombëtare të Trashëgimisë Kulturore i garantoj të gjithë shqiptarët se gjithçka është mbajtur shënim dhe askush nuk ka për t’i shpëtuar Drejtësisë!

Duke kujtuar Profesor Paolo Vittin i cili me të drejtë thotë se : “Europa nuk është vetëm euro, por edhe kulturë, solidaritet, humanizëm dhe identitet”, risjell edhe njëherë në vëmendje qëndrimin e ‘Europa Nostr’ në lidhje me shembjen e Teatrit Kombëtar: “Le të jetë kjo ngjarje e mjerueshme ajo që do të shënojë fillimin e një zgjimi të vërtetë të shoqërisë civile në Shqipëri të udhëhequr nga artistë dhe intelektualë”.

Barbaria dhe talebanizmi nuk kanë vend në shoqërinë tonë! Koha për drejtësi!“, shkruan Meta. /tesheshi.com/

 

 

auto pjese dak

Related posts