Auto Dak
Auto Dak

Sulmet ndaj naftës saudite, “çmenden” çmimet e karburanteve në tregjet botërore

Dy sulmet e fundit ndaj naftës saudite – një uzinë përpunimi  e një fushë naftëmbajtëse – kanë bërë që i gjithë furnizimi me karburante në botë të përballet me rritje çmimesh.

Nafta e papërpunuar është përballur me një rritje prej 10% në barelë në SHBA, ndërsa në tregjet aziatike ka shënuar rritje prej 8.9%.

Çmimet u normalizuan shumë pak pasi presidenti amerikan Donald Trump autorizoi përdorimin e rezervave.

Sulmi, për të cilin po fajësohet Irani, ka ngritur frikën e rritjes së çmimit të energjisë gjithashtu.

Jeffrey Halley, një analist i çmimeve të naftës, tha se luhatjet në fjalë janë reagim ndaj implikimeve politike dhe gjeopolitike.

Sauditët, megjithatë nuk kanë dhënë detaje për sulmin, duke u mjaftuar me deklaratat se nuk ka pasur pasoja në njerëz, apo se janë të gatshëm t’u përgjigjen atyre me të njëjtën gjuhë, siç deklaroi një ditë më parë Princi Bin Salman. /tesheshi.com/

auto pjese dak

Related posts