Auto Dak
Auto Dak
Auto Dak

Studime: Mbjellja e pyjeve të mëdha, mundet më shumë dëm sesa dobi

Mbjellja në zonave të mëdha të pyjeve të reja, në vend që të ndihmojë mjedisin, mund të ketë efektin e kundërt, kanë treguar dy studime.

Sipas një studimi, të transmetuar nga BBC, stimujt financiarë për mbjelljen e pyjeve mund të kthehen kokëposhtë dhe të zvogëlojnë biodiversitetin me pak ndikim në uljen e dioksidit të karbonit atmosferik.

Një studim tjetër tregoi se sasia e karbonit që pyjet e mbjella rishtas mund të thithin, mund të mbivlerësohet.

Mesazhi kryesor i të dy studimeve është se mbjellja e pemëve nuk është një zgjidhje e thjeshtë për krizën klimatike.

Me kalimin e viteve, ideja për mbjelljen e pemëve si një zgjidhje me kosto të ulët dhe me një ndikim të lartë në ndryshimet klimatike është zhdukur.

Një thirrje për kujdes

Hulumtimet e hershme kanë sugjeruar që pemët kanë potencial shumë të madh për akumulimin dhe ruajtjen e karbonit, dhe shumë vende kanë bërë që mbjellja e pyjeve të jetë përparësi në luftën kundër ndryshimit të klimës.

Vendeve u është bërë thirrje të rimbjellin 350 milion hektarë tokë të pastruar deri në vitin 2030. Deri më tani, rreth 40 vende kanë mbështetur idenë.

Por shkencëtarët po kërkojnë kujdes në lidhje me nxitimin për të mbjellë pyje dhe paralajmërojnë se 80 përqind e planeve përfshijnë mbjelljen e një specie ose një numri të vogël specie pemësh.

Për disa individë privatë, subvencionet nënkuptonin mbjelljen e specieve të vlefshme ekonomikisht dhe jo ato që rriten në atë klimë, dhe për këtë arsye aftësia thithëse e pyjeve për karbon nuk u rrit, dhe humbja e biodiversitetit u përshpejtua.

Në një studim tjetër, shkencëtarët studiuan përthithjen e karbonit nga atmosfera dhe ruajtjen e tij në tokë dhe zbuluan se mbjellja e pyjeve në tokat me karbon të ulët ndihmoi në rritjen e thithjes së karbonit nga ajri, por kjo nuk ishte rasti me mbjelljen e pyjeve në tokat e pasura me karbon.

Të dy studimet u botuan në revistën Nature Sustainability. /tesheshi.com

 

auto pjese dak

Related posts