Auto Dak
Auto Dak
Auto Dak

SOLIDARITETI/ Unike në kohë pandemike: si u fal xhumaja në një kishë të Berlinit

Për shkak të masave për të luftuar koronavirusin, shumë muslimanë nuk ishin në gjendje të shkonin në xhami, e kjo ka bërë që të përfundojnë dhe në kishë për lutjet e tyre.

Fjala është është për një kisha lutherane në Berlin, e cila një ditë më parë, pikërisht për xhuma, hapi dyert e saj për myslimanët, e kjo në mungesë të xhamive, të mbyllura për shkak të situatës pandemike.

Xhamia Dar Assalam në një pjesë të qytetit zakonisht mirëpret qindra muslimanë në këtë ditë, por të premten mund të strehinte vetëm 50 persona, për shkak të kufizimeve të vendosura në Gjermani.

Kështu, kisha e Shën Marisë iu ofrua në ndihmë dhe u bë vendi i lutjeve muslimane në arabisht dhe gjermanisht, raporton Reuters.

“Ky është një zhvillim i shkëlqyer që sjell gëzim për Ramazan dhe gëzim në kohë krize. Pandemia na ka bërë një komunitet dhe kriza i ka afruar njerëzit më shumë me njëri-tjetrin”, tha Mohamed Taha Sabry, një imam i xhamisë që drejtoi besimtarët në namaz ndërsa ishte në një dritare pranë tyre, një mozaik që përshkruan Virgjëreshën Mari.

Vendet e adhurimit në Gjermani u rihapën më 4 maj, pas disa javësh mbyllje për shkak të virusit, por besimtarët duhet të ruajnë një distancë prej 1.5 metër nga njëri-tjetri.

Pastorja u bashkua në lutje

Kisha, një ndërtesë e re me tulla të kuqe të Rilindjes në rrethin Kreuzberg të Berlinit, ofron një kontrast të rreptë me qendrën kulturore në Neukoelln, ku zakonisht mblidhen muslimanët.

“Kam pasur një ndjenjë të çuditshme për shkak të instrumenteve muzikore, fotografive. Por kur ju injoroni detajet e mjaftoheni me faktin se gjithashtu shtëpia e Zotit, gjithçka bëhet më e lehtë”, thotë besimtari Samer Hamdoun.

Këshilli Islamik, një organizatë që mbledh rreth 400 xhami, njoftoi në prill se shumë prej tyre kërcënohen me falimentim sepse bllokada vazhdoi dhe në muajin Ramazan, i cili zakonisht është thelbësor për mbledhjen e donacioneve.

Monica Matthisa, pastorja e kishës, tha që ajo ishte prekur nga lutja e myslimanëve.

“Morra dhe unë pjesë në lutje. U shkriva me besimtarët dhe thoja ‘Amin’-in. Ishte një ndjenjë e mrekullueshme të jesh kaq i lidhur,” tha ajo. /tesheshi.com/

 

 

auto pjese dak

Related posts