Shumë artistë për të qenë mjekë: tjetër video virale me tregues “fake”

Një tjetër video e mjekëve duke kërcyer në ambiente spitalore është bërë virale në rrjete.

Videoja është parë nga mbi dy milion njerëz, duke u ndarë më shumë se 110,000 herë, dhe komentet kanë qenë të panumërta.

Aty  shfaqet një staf mjekësor, që sipas asaj çfarë shfaqet, gjen kohë për të relaksuar veten dhe njerëzit nga stresi i Corona-s.

Nuk dihet se në cilin spital ka ndodhur kjo, nëse ka ndodhur vërtet. Kjo, sepse, nëse vërtet ai staf ka qenë nën angazhim maksimal, vështirë të gjejnë kohë për të tilla performanca. Nga ana tjetër, duken shumë artistë për të qenë mjekë.

Ndërkohë, kujtojmë se një video e ngjashme javë më parë, në nisje të pandemisë, u servir nga ish-kryeministri Berisha me anë të të famshmit “Qytetar dixhital”, si një zhvillim i papërgjegjshëm i një stafi mjekësor shqiptar, gjë që rezultoi një fake i pastër. /tesheshi.com/