Auto Dak
Auto Dak
Auto Dak

Sherr virtual COVID mes ministrit italian dhe Cristiano Ronaldos

Vicenzo Spadafora, Ministri italian i Sporteve, akuzoi Cristiano Ronaldon se u tregua gënjeshtar në lidhje me respektimin e protokolleve COVID, pasi portugezi u diagnostikua me koronavirus.

Në një intervistë me RAI Uno dje, Spadafora akuzoi Ronaldon për shkelje të protokolleve.

Kujtojmë: Ronaldo ishte pozitiv për koronavirusin përpara ndeshjes midis Portugalisë dhe Suedisë të mërkurën. Ylli portugez edhe i Juves shkoi në vetizolim në Portugali, por më pas u kthye në Itali.

Spadafora atëherë tha që Ronaldo nuk i ndoqi rregulloret dhe nuk kishte leje të kthehej në Itali. Ronaldo, i cili u kthye në Itali me një avion privat mjekësor, iu përgjigj atij përmes një videoje të drejtpërdrejtë në Instagram.

“Unë shkova në shtëpi me ambulancë dhe nuk kisha asnjë kontakt me askënd. Kam bërë gjithçka sipas rregulloreve dhe me leje. Një burrë nga Italia, emrin e të cilit nuk do ta përmend, pretendon se nuk e kam ndjekur protokollin, por mund t’ju them se është një gënjeshtër. Kam respektuar gjithçka dhe jam plotësisht i qetë,” tha Ronaldo, pas së cilës postoi një foto duke u relaksuar në pishinën shtëpisë së tij në Torino.

Por Spadafora nuk hesht dhe reagoi.

“Fakti që ata janë të famshëm dhe se janë sportistë fantastikë nuk u jep të drejtë të jenë arrogantë, të mos respektojnë institucionet e një vendi dhe të gënjejnë. Përkundrazi, dikush më i famshëm duhet të sillet më me përgjegjësi dhe kështu të shërbejë si shembull për të tjerët”, tha Spadafora për ANSA-n. /tesheshi.com/

auto pjese dak

Related posts