Auto Dak
Auto Dak
Auto Dak

Seria A: Vjen barazimi i parë për Juventusin, fitore e thellë për Interin

Në 27 javë të kampionatit italian, Juventusi ka prishur të fundit zero në statistikat e tij, atë të barazimeve. Në Udine, ndaj skuadrës vendase, “zonja e vjetër” nuk ka mundur të marrë më shumë se një barazim 1-1, i pari për të.

Udineze ka meritën se ka i prishur ritmin Juventusit, duke e ndalur pas shtatë fitoreve rresht, madje dhe mund të kishte fituar me pak fat.

Zapata i kaloi vendasit në epërsi në pjesën e parë, Bonucci barazoi në të dytën. Pavarësisht barazimit, Juventusi kryeson Serinë A me 8 pikë më shumë se Roma, që humbi dje në shtëpi ndaj Napolit.

Fitorja më e thellë e pasdites të së dielës u regjistrua në takimin Kaljari – Inter, të mbyllur 1-5. Interi qëndron shtrënguar pas katër ekipeve të para me këtë fitore, në kërkim të përmbushjes së objektivave sezonalë.

Torino mposhti 3-1 Palermon, me të tre golat që patën për autor të njëjtin lojtar, Belotti-n. Siç qe parashikuar, Arlind Ajeti qëndroi në stol; rrjedhojë e paraqitjeve zhgënjyese në javët pararendëse.

Xhenova fitoi 0-2 në fushën e Empolit, ku për vendasit nuk u aktivizua asnjë minutë një tjetër mbrojtës i kombëtares shqiptare, Veseli. Dy golat e Xhenovës u shënuan në fund të takimit.

Dy sfida përfunduan pa gola, 0-0, Atalanta – Fiorentina dhe Krotone – Sasuolo.

I fundit takim i kësaj jave, Bolonja – Lacio, luhet në mbrëmje, në 20:45. /tesheshi.com/     

auto pjese dak

Related posts