Auto Dak
Auto Dak
Auto Dak

Rinia si burim infektimi, Komiteti Teknik: auditore bosh që spitalet mos jenë plot!

Mësimi online në universitete do vijojë sërish. Ka qenë Komiteti Teknik që, në një takim me ministren Kushi, i ka arsyetuar kësaj të fundit se përse nuk mund të ketë kthim studentësh në auditore.

“Qëllimi është të propozojmë në kohën e duhur ato masa që janë të përshtatshme. Nga 6 janari kemi pasur rritje javore. Kjo është shoqëruar me rritje te moshat 16- 24 vjeç.

Mësimi menduam  të vazhdojë online. Edhe prania në konvikte e shton rrezikun e infeksionit, ato mund të kthehen në vatra të sëmundjeve.

Dihet se Tirana e ka numrin më të lartë. Ardhja e studentëve bën që të shpërndahet infeksioni dhe në ato qytete që i kemi kontrolluar. Ky nuk ishte një vendim i lehtë për t’u marrë.

Në mënyrë unanime pas diskutimeve vendosëm që ta vazhdojmë edhe pak këtë sepse është në të mirë të shëndetit të studentëve të të afërmive dhe të familjarëve të tyre. Është një vendim që është marrë dhe në shumë vende të botë, në SHBA, Kanda, Angli”, tha zv.ministrja Rakacolli.

Nga ana tjetër, drejtuesja e Infektivit, dr. Najada Çomo, e përkufizoi ndryshe këtë masë.

“4000 persona që janë shtruar në 4 spitalet, brezi i studentëve është i fuqishëm, por infektojnë shumë në auditore, për shkak të frekuentimit, dhe janë portë hyrje për ta dërguar virusin brenda familjeve të tyre. Më mirë të kesh auditoret bosh sot dhe spitalet bosh nesër, se e kundërta”, tha dr. Çomo. /tesheshi.com/

auto pjese dak

Related posts