Auto Dak
Auto Dak
Auto Dak

RINDËRTIMI/ Rama shpall opozitën si partnere: ndihmon duke denoncuar

Kryeministri Rama i është rikthyer temës së tërmetit, ku, gjatë prezantimit të platformës online për aplikim në funksion të rindërtimt, kërkoi nga nëpunësit e bashkive, pikërisht ata që do merren me këtë proces, që mos u hyjnë në hak njerëzve.

“Ju lutem shumë, atyre që janë këtu, mos i hyni në hak askujt. Mos merrni iniciativa individuale për të regjistruar si pastrehë ato që s’janë prekur nga tërmeti. Kryetarëve të Bashkisë u them faleminderit se e keni përballuar me vullnet të madh, por duhet t’i qëndroni në kokë këtij procesi se regjistrimi i familjeve duhet të jetë shembullor dhe ndarja e shkallëve të dëmit të jetë e drejtë. Se të gjitha këto do të monitorohet dhe kush do të kapet do të ndëshkohet”, tha Rama, duke ftuar sërish opozitën që të bashkëpunojë, kësaj here duke denoncuar.

Ftoj opozitën që të bërtasë për çdo rast që manipulohet. Mes shpifjeve do të kemi mundësi që të gjejmë një të vërtetë. Do duroj edhe një furi shpifjesh, për ndonjë rast që është lënë në harresë”, tha Rama.

Shefi i qeverisë tha se me datë 4 shkurt del raporti final i kostos nga tërmeti, duke shpalosur më pas tre kolonat e rindërtimit.

  1. Garantimi i një pjese me kapacitetin tonë financiar. Dhe për këtë kemi hartuar disa skema, duke shfrytëzuar bazën solide, pa cenuar parametrat e borxhit apo deficitit. Ky është një moment për ata që e shohin ekonominë e vendit si një ekonomi që përkthehet në sa lekë mora unë, që nëse ne nuk do kishim bërë reformat që kemi bërë dhe nëse do kishte qenë qeveria e mëparshme nëse do kishte rënë tërmet, do ishte e pamundur që buxheti i shtetit të garantonte as 1/10 e asaj që ne e kemi garantuar, pa prekur programet e tjera të rëndësishme.
  2. Financimi ndërkombëtar. Jemi angazhuar intesivisht për të marrë një mbështetje domethënëse nga konferenca e donatorëve. Por e dimë që nuk do të mbulojë të gjitha shpenzimet. Nuk presim që të derdhen miliarda, por që të kemi një volum plus.
  3. Iniciativa të reja që po formohen, s’mund t’i bëj publike. Janë iniciativa politike dhe financiare që do të na mundësojnë që të mbajnë zotimin tonë”, ishin ato që renditi Rama. /tesheshi.com/

 

 

auto pjese dak

Related posts