Auto Dak
Auto Dak
Auto Dak

Rikthimi i valës së infektimeve, rikthehen “mbylljet” e xhamive: ja nis Serbia

Rikthimi i valës së infektimeve kudo, ka bërë që të rikthehet dhe pezullimi i faljeve kolektive nëpër xhami. Kjo ka ndodhur në Serbi, ku Bashkësia Islame e atyshme ka marrë vendimin për “mbylljen” e xhamive, siç ndodhi për javë me radhë në muajt mars-prill-maj, përfshirë dhe një pjesë të muajit të Ramazanit.

Siç njoftohet, koha e lutjeve do vijojë me anë të thirrjes së ezanit, edhe namazet do vijojnë, por do kryhen vetëm nga imami e muzeni.

Në vendimin e firmosur nga Myftiu Mevlud ef. Dudiç shpjegon se vendimi është marrë me qëllim të ndërmarrjes së veprimeve parandaluese dhe parandalimit të përhapjes së infeksionit nëpër xhami.

Vendimi është marrë duke marrë parasysh faktin se sistemi shëndetësor në zonën e Sanxhakut është në kolaps të përgjithshëm, dhe se nuk është e mundur të sigurohet trajtim adekuat dhe trajtim spitalor për të gjithë pacientët, gjë që detyroi shumë persona të infektuar të mjekohen në shtëpi, duke qëndruar me familjarët e tyre.

“Duke ftuar për durim të gjithë besimtarët dhe që sjellja e tyre e përgjegjshme dhe respektimi i masave të vetë-mbrojtjes të jetë pjesë aktive në shtypjen e infeksionit, i lutemi Allahut të Plotfuqishëm për faljen e gjynaheve, mbrojtjen dhe kurimin nga sëmundjet “, tha Myftiu Dudiç.

Megjithatë, deri më tani, asnjë vatër infeksioni, në rajon apo më tej, nuk lidhet specifikisht me ndonjë xhami. /tesheshi.com/

 

auto pjese dak

Related posts