Auto Dak
Auto Dak
Auto Dak

Rezymeja COVID: Shqipëria, ende jo alarmante

Ministrja e Shëndetësisë Ogerta Manastrilliu ofroi një rezyme të situatës COVID në Shqipëri, që sipas saj nuk është gjithsesi në nivele alarmante, krahasuar me rajonin.

“Më lejoni të ndalem shkurt të situatës epidemiologjike në vend. Aktualisht kemi të konfirmuara me COVID në total prej 29.837 rastesh me një incidencë 1042 raste për 100 mijë banorë.

Duke bërë një krahasim me rajonin, kjo incidencë është më e ulët se sa incidenca mesatare e rajonit dhe Europës. Prej rasteve të konfirmuara në javën e 46, 52 % janë femra dhe 48 % meshkuj. Përsa i përket fataliteteve, aktualisht kemi 646 humbje jete që korrenspondojnë 22.7 vdekje për 100 mijë banorë.

Vlerësohet se java e 46-të është java me numrin më të lartë të vdekshmërisë. Situata në spitale në tre strukturat e dedikuara aktualisht, kemi të zëna 420 shtretër, rreth 20 përqind është e lirë. Struktura e katërt është gati për pacientët”, tha ministrja.

Ndërsa për shefen Departamentit të Epidemiologjisë dhe Sëmundjeve Infektive në ISHP, Dr. Silva Bino, vuri theksin te respektimi i masave, pasi aty dhe vetëm aty gjendet përgjigja se si mund të përmisohet situata

“Dua të them se ministrja theksoi masat kanë patur efektin e tyre. Pas bllokimit ne pamë efikasitet, ashtu sikurse pamë rritje të numrave kur nuk u zbatuan si duhet protokollet e sigurisë. Kemi një bllokim të pjesshëm, janë masat e tjera të ndalimit të grumbullimeve apo të ndryshme të cilat janë masa me një intensitet mesatar. E rëndëishme është mbajtja e maskës.

 Edhe në momentin që do të kemi vaksinën, ajo mund të mbrojë ato që janë më vulnerabël por përsëri këto masa do të vijojnë të zbatohen deri sa vaksina të ketë impakt mbi transmetueshmërinë e sëmundjes. Matja e impaktit të masave të fundit do pak kohë të matet. Jemi duke e monitoruar. Masat janë të rëndësishme që do të ndikojnë në sheshim të kurbës dhe në shpëtim të jetëve”, tha dr. Bino. /tesheshi.com/

 

 

auto pjese dak

Related posts