Auto Dak
Auto Dak
Auto Dak

REAGIME/ Muslimanë francezë: ç’kërkon të thotë Macron me “Islam separatist”?

Presidenti francez Emmanuel Macron ka marrë një numër vendimesh për të luftuar atë që ai tashmë e quan “Islam separatist”, një term i panjohur me parë dhe i diskutueshëm etimologjikisht.

Përfaqësues të shumtë të komunitetit musliman në Francë kujtuan se disa nga këto vendime ishin propozuar vetë më herët, me idenë e promovuar për të mbrojtur rininë muslimane nga idetë ekstremiste. Megjithatë, shumë prej tyre theksojnë se vendimet e Macron janë pjesë e lojërave parazgjedhore, pasi Franca ka zgjedhje lokale muajin e ardhshëm.

Vendimet më domethënëse të marra nga Macron janë ato për të ndaluar veprimtaritë e imamëve dhe mësuesve arabë që vijnë nga vendet e tjera dhe të pezullojë të gjitha llojet e mbështetjes nga këto vende në ndërtimin dhe administrimin e xhamive dhe shkollave islame. Macron përsëriti se ai nuk do të lejojë përhapjen e Islamit politik.

Ministri i brendshëm i Francës tha të mërkurën se vendi i tij kishte njoftuar Marokun, Algjerinë dhe Turqinë se nga ky vit do të fillonte një ulje graduale të numrit të imamëve të huaj që vijnë në Fancë, e se që nga viti 2024, Franca nuk do të pranonte më imamë të huaj.

Ahmed Jaballah, ish-presidenti i Aleancës së Shoqatave Muslimane në Freancë (i cili bashkon rreth 300 organizata dhe shoqata muslimane) shprehu mahnitjen e tij me përdorimin e termit “Islam separatist”, duke konfirmuar se realiteti mohon presidentin francez, pasi muslimanët francezë janë të integruar mirë në shoqëri dhe kontribuojnë pozitivisht në zona të ndryshme.

Ai gjithashtu tha se historia e Macron për luftën kundër Islamit politik është shumë e paqartë dhe se është shkaku më i zakonshëm për panik sepse nuk ka Islam politik në Francë. Jaballah tha: “Muslimanët udhëzohen që të mos veprojnë veçmas, dhe, kur duan të përfshihen në lëvizje sociale dhe politike,ndodh të akuzohen për përhapjen e Islamit politik”.

Ai kujtoi se kjo nuk është hera e parë që muslimanët francezë janë ekspozuar ndaj kësaj lloj retorike që mbështetet në frikësimin dhe ekzagjerimin, me qëllim që të shfrytëzohet çështja për qëllime politike dhe zgjedhore.

Kujtojmë se muajin tjetër do të ketë zgjedhje lokale në Francë, dhe sondazhet parashikojnë humbjen e partisë së Macron, e cila ka rënia të ndjeshme të popullaritetit. /tesheshi.com/

auto pjese dak

Related posts