Auto Dak
Auto Dak
Auto Dak

Rama për babanë e ndjerë, si përgjigje dhe ndaj Metës: ja ç’më këshillonte im atë Kristaqi

Një ditë pasi edhe presidenti Meta i përmendi të atin si bir i tij, kryeministri Edi Rama ka avokuar të ndjerin baba Kristaq Rama, në 22 vjetorin e vdekjes. Kjo ka përkuar me përfshirjen dhe në fjalorin e Metës, siç prej shumë vitesh të Berishës, të Kristaq Ramës, me pretendimin se i ndjeri ka firmosur ekzekutimin e të poetit Avzi Nela.

Siç dihet, i ndjeri Kristaq Rama ka qenë një ndër skulptorët e njohur, deputet në Kuvendin Popullor të asaj kohe, por jo aq i lidhur me nomeklaturën e lartë komuniste të kohës.

Rama, i ballafaquar me akuza nën emrin e të atit qyshse hyri në politikë, i ka kushtuar një dedikim, një avokati romantike më shumë se sa një mbrojtje konkrete, për akuza konkrete.

“IM ATË, KRISTAQ RAMA, mori emrin e gjyshit të tij, Kristaq Ramës së parë, që ishte një ndër patriotët firmëtarë të pavarësisë në Durrës, e ia kushtoi jetën e pasurinë hapjes së shkollave në gjuhën shqipe, në ato kohë kur gjuhës sonë amtare i kanosej fuqia e një armiqësie të madhe. Im atë sot do të mbushte 88, nëse një goditje fatale në zemër nuk do t’ia kishte ndërprerë befasisht rrugëtimin në këtë botë plot 22 vjet më parë, kur vdekja e tij më solli në Tiranë e më ndryshoi rrugëtimin tim. Por kjo është një histori tjetër.

Sot, si në çdo 31 korrik, kur unë e kujtoj me sytë e lagur tim atë, më rri përpara syve buzëqeshja e tij paqësore e pas çdo debati luftarak mes nesh gjatë viteve të rinisë sime të parë – kur unë flisja gjithnjë e më shumë dhe ai rezistonte gjithnjë e më pak. Prej meje, jetës sime në politikë, e cila nisi në ditën e funeralit të tij, arsyeja e mosarsyes politike ka sjellë shumë baltë mbi emrin e tim eti pas vdekjes. Por ajo buzëqeshje e shkrin dhe tret krejt baltën, mu si në çdo paradite feste kombëtare, kur qyshse për shkak të detyrës shkoj tanimë prej 20 vjetësh, tek Nëna Shqipëri a tek Heronjtë e Pavarësisë në Vlorë. Pasi vendos kurorën, përulem dhe pastaj ngre kokën drejt lartësisë së veprave që ai la dhe nga qielli më vjen buzëqeshja e tij.

Veprat do të jenë aty bashkë me emrin e Kristaq Ramës, kur ata që e kanë baltosur tërë këto vite do të jenë mbuluar me kohë e me vakt, nga pluhuri i një harrese përfundimtare pa kthim. Kishte të drejtë im atë, mos e harro asnjëherë, në këtë jetë ke ardhur për të lënë kujtimin tënd, tek fëmijët e tu, tek ata që të njohën vërtetë dhe në qofsh shumë i zoti, tek populli yt.

Të tjerat i merr era dhe në fund edhe trupi i vetë njeriut erë bëhet”, shkruan Rama. /tesheshi.com/

 

auto pjese dak

Related posts