Auto Dak
Auto Dak
Auto Dak

MISIONI/ Rama në Moskë, “ballë për ballë” me Lavrovin: Kosova, para Ukrainës!

Kryeministri Rama shkeli për herë të parë në Moskë, e kjo në kohën kur ai dhe qeveria e tij ka mbajtur raporte të ftohta me Kremlinin.

Rama ishte si kreu i OSBE-së, për të ndërmjetësuar në lidhje me konflktin në Ukrainë, por Kosova zuri vendin kryesor në diskutimin e tij me kreun e diplomacisë ruse Sergey Lavrov.

Nën këtë frymë, edhe aty Rama kërkoi njohjen e Kosovës nga Serbia.

“Unë mendoj se është në të mirë të të gjithëve, edhe të Serbisë, që të njohë Kosovën ashtu si është. Ne kemi mbështetur gjatë gjithë kohës dialogun por jo duke e nisur me parimin e gabuar se kjo njohje nuk ka ndodhur asnjëherë”, tha Rama, nisurnga fakti se pas çdo vendimmarje të Beogradit qëndron Moska.

“Nuk e shoh të drejtën pse të tjerët duhet të kenë shtetet e tyre dhe Kosova mos ta ketë”, tha Rama.

Nga ana tjetër, Lavrov, i pyetur se kur Rusia do e njohë Kosovën, reagoi me diplomaci duke thënë:

“Ju pyetët (drejtuar një gazetari), nëse unë mund të mendoj ndonjë datë kur Rusia do të njohë Kosovën. Duhet të ketë zbatim të asaj për të cilën biet dakord. Ka një rezolutë. Krijimi i bashkive serbe në Kosovë do ishte një hap përpara për respektimin e atyre serbëve që jetojnë në Kosovë. Marrëveshja është arritur 6 vjet më parë. Prishtina e refuzon. Ne e promovojmë dialogun, por kolegët tanë nga BE nuk kanë arritur të sigurojmë implementin e kësaj marrëveshjeje”, tha Lavrov.

Sa i përket qëndrimit të ftohtë të Tiranës zyrtare ndaj Moskës, Lavror i kujtoi Ramës se dikur nuk ka qenë kështu.

“Në 2004, kur u emërova kryeministër bëra një takim në Tiranë, e më pas nënshkruam një traktat miqësie dhe bashkëpunimi me ministrin e Jashtëm të asokohe. Nuk u ratifikua, pasi pala shqiptare e harroi këtë dokument, por ekziston, është gati, dhe ne mund ta bëjmë efektiv në mënyrë që të kemi parime të qarta të marrëdhënieve tona”, tha njeriu i Moskës.

Nga ana tjetër, Rama tha se do interesohet për dokumentin në fjalë, porse Shqipëria e ka zgjedhur orientimin e saj.  “Ne jemi anëtarë krenar të NATO-s, aleat krenar i SHBA dhe BE, qëndrojmë plotësisht në përputhje me miqtë tanë të mëdhenj…”, tha Rama.

Sa i përket çështjes për të cilën shkoi në Moskë, konflikin në Ukrainë, Rama tha  se “jo gjithçka është e zymtë”. Ka disa gjëra të mira, mund të duken të vogla por janë të mëdha për jetët e kaq shumë njerëzve, të mijëra civilëve që u duhet të përballen me jetesën në të cilën shkojnë nga njëra anë në tjetrën. Mbështesin plotësisht marrëveshjet e Minskut dhe besojmë se zbatimi i tyre, pa por, është thelbësor për të ecur përpara. Një armëpushim i plotë dhe i qëndrueshëm është thelbësor”, theksoi Rama, në rolin e një shefit të misionit të OSBE-së. /tesheshi.com/ 

 

 

auto pjese dak

Related posts