PROTESTA/ Si vijon të mos përputhet “pse”-ja me “si”-në

Një prej arsyetimeve të kreut demokrat Basha mbi stilin e zgjedhur politik për t’u imponuar në raport me atë që mendon dhe beson duke kërkuar rrëzimin e qeverisë, është se kështu tentohet Europa.

“…shikoni njëri tjetrin në sy, jepini dorën dhe besën njëri tjetrit, se ka vetëm nëj rrugë, do ta bëjmë Shqipërinë si gjithë evropa. Evropa dhe bota e di se ne në këtë shesh jemi garancia e vetme që lufton për vlerat e Evropës, për vlerat e Perëndimit”, ishte një ndër deklarimet e fundit të Bashës dhe kjo fill pasi në korr, i gjithë Perëndimi dënoi për të disatën herë dhunën e shfaqur në protesta, pa llogaritur mospranimit që i kanë bërë në unison të plotë aktit të djegies së mandateve.

Duke luajtur kartën e Europës madje, Bash aka rikthyer dhe një thirrje që ishte muzeale – “E duam Shqipërinë si gjithë Europa”. Ka qenë ky dhe një lloj karshillëku ndaj faktorit ndërkombëtar, një lloj reagimi në mospajtim me të, duke pretenduar se mban anën e qeverisë. Në fakt, ndërkombëtarët mbajnë më tepër anën e rregullave të lojës. Sepse, arritja më e madhe e një sistemi, siç është dhe ai demokratik, është pikërisht vendosja e një seti rregullash loje kur palët kanë rënë dakort t’i respektojnë. Edhe nëse ato shkelen, janë gjetur të tjerë anti-korpe për t’ju shmangur dhunës dhe anarkisë në rivendosjen e tyre. Opozita ka hequr dorë dhe nga këto anti-korpe, që janë një morri hapësirash që ajo ka, sidomos në jetën parlamentare, për t’i përmbushur ato çfarë kërkon, deri dhe marrjen e pushtetit. Eshtë provuar kjo dhe në vende me më shumë problem se sa Shqipëria në funksionin e demokracisë.

Por çfarë ndodh me opozitën shqiptare. Promovon “pse”-në europiane të kauzës së saj por jo “si”-në. “Si”-ja europiane, meqë tenton t’i referohet standarteve të saj, nuk e pranon këtë formë, pasi e ka as si precedent. Ajo nuk mund të lejojë që t’i lind një precedent i tillë në Shqipëria, ku “pse”-ja nuk përputhet në standarte me “si”-në.

Edhe në më të fundit protestë mbrëmjen e së hënës, u shfaq e njëjta panoramë e trishtë: ndonëse me intensitet të reduktuar, sërish u goditën institucionet, sidomos Ministria e Brendshme dhe dy Drejtoritë Policore, duke u hedhur drejt tyre shashka, flakadanë, deri thyer dhe xhamat, siç në rastin e Drejtorisë së Policisë së Tiranës.   /tesheshi.com/                      

auto pjese dak

Related posts