Auto Dak
Auto Dak
Auto Dak

PROPOZIMI/ Versioni tjetër nga OBSH: Bashkëjetesë me Corona-n deri sa të dalë vaksina

Shefi i situatave emergjente në Organizatën Botërore të Shëndetit (OBSH), Michael Ryan, tha se testimi i përhapur për virusin koronar ishte i rëndësishëm dhe se vendet nuk duhet të fajësohen për rritjen e numrit të të infektuarve.

Ai bëri thirrje për një veprim për “të na lejuar të jetojmë me këtë virus derisa të shfaqet vaksina,” raportoi AP.

Komentet e Ryan-it sugjeruan një ndryshim në mentalitet, pasi pandemia ka të ngjarë të zgjasë më gjatë.

“Në këtë moment, askush nuk mund të parashikojë se sa do të zgjasë kjo epidemi. Ne po shkojmë drejt një të ardhme të pasigurt. Për shumë vende të botës, epidemia sapo ka filluar,” ai tha para një konference të rregullt për shtyp.

Ryan tha se bota duhet të lëvizë përtej masave që synojnë zvogëlimin e pandemisë në përgjithësi, në favor të “qëllimeve shumë më të sakta – ato të orientuara drejt qëllimit – që do të na lejojnë, të paktën, të jetojmë me këtë virus derisa të zhvillojmë vaksinën”.

Një total prej 26.621 njerëz kanë vdekur nga koronavirusit në botë, bilanci i fundit ky i raportuar të premten në mbrëmje, duke cituar të dhënat zyrtare.

Më shumë se 572.040 njerëz janë infektuar zyrtarisht në 183 vende dhe territore që nga fillimi i pandemisë. Nga të infektuarit, të paktën 124.400 janë shëruar.

Vendet që kanë regjistruar numrin më të madh të vdekjeve në 24 orët e fundit janë Italia me 969, Spanja me 769 dhe SHBA me 345 vdekje.

Italia, e cila pati vdekjen e saj të parë në fund të shkurtit, ka regjistruar 9.134 sosh, me 86.498 të infektuar.

Pas Italisë, ishte Spanja ajo që u godit më shumë me 4,858 vdekje dhe 64.059 të infektuar. Kina kontinentale ka 3.292 vdekje dhe 81.350 të infektuar, Irani 2.378 të vdekur dhe 32.332 të infektuar, dhe Franca 1.995 të vdekur dhe 32.964 të infektuar.

Evropa, si kontinent, është më i godituri me 18.638 vdekje dhe 313.801 njerëz të infektuar. Në Azi, ka 3,684 vdekje dhe 102 161 persona të infektuar dhe në Lindjen e Mesme 2.446 vdekje dhe 39.431 persona të infektuar. Kjo pasohet nga Shtetet e Bashkuara dhe Kanada (1.491 vdekje dhe 98.860 të infektuar), Amerikën Latine dhe Karaibe (234 vdekje dhe 10.474 të infektuar), Afrikë (114 vdekje dhe 3.826 të infektuar). /tesheshi.com/

 

 

 

 

 

auto pjese dak

Related posts

WP2Social Auto Publish Powered By : XYZScripts.com