Auto Dak
Auto Dak
Auto Dak

Pretendimet mortore COVID të opozitës, Rama: kohë e provës së karakterit!

Në një reagim të gjatë, në formë mesazhi për opinion, kryeiministri Rama mohoi që qeveria, apo autoritetet shëndetësore, të gënjejnë mbi numrin real të viktimave COVID, siç ka akuzuar së fundi opozita, duke ofruar dhe pamje nga morgu i QSUT-së.

Për Ramën, kjo është një luftë ku po vihen në provë dhe karakteret njerëzore.

“Ne kemi opinione të ndryshme për  ngjarjet dhe kjo është demokraci, por të shash dhe shpifës nuk është demokraci. Ne nuk mund të ndahemi politikisht edhe për numrin e të vdekurve dhe të bëjmë inskenime fotografike deri tek morgu i spitalit.

Në një luftë si kjo sprovohet jo vetëm qeveria por edhe morgu, por nuk mundet që opozita dhe presidenti të krijojnë komitetet e tyre alternative, ku njëri prej tyre thotë që qeveria t’i blejë maskat qytetarëve dhe komiteti tjetër thotë virusi nuk ekziston.

Në një luftë si kjo ne mund të ndahemi për rrugën se si duhet të mbështetet ekonomia, kjo madje do të ishte e shëndetshme, por nuk mund të jemi rasti unikal në Europë, ku opozita dhe presidenti bëjnë aleancë me COVID-in për të rrëzuar qeverinë dhe ushqyer frikën në jetën e përditshme të shqiptarëve dhe shpërndajnë inskenime të fotove nga morgu.

Kjo nuk është as demokratike dhe as njerëzore, ku në kulmin e pandemisë ku vala e dytë po trondit botën të bësh politikë me numrin e të vdekurve”, theksoi i pari i qeverisë.

Sipas tij, prokuroria është e lirë të veprojë, por kjo që po ndodh sipas tij, duhet të ketë një tjetër gjykatës.

“Prokuroria e di vetë punën, nëse do e shohë të arsye që të përfshihet në këtë marrëzi politike, askush nuk do e pengojë, por duhet mbajtur shënim nga një gjykatësoi një lëndim i patolerueshëm i karakterit tonë si popull, virusi nuk na ndan dhe ky episod i luftës së shëmtuar për pushtet nuk duhet harruar nga asnjë shqiptar si një akt përçarjeje mes nesh, në luftën kundër këtij armiku të padukshëm, që nxit urrejtjen ndaj mjekëve tanë, që mund të nxisë edhe dhunën në rast se një familjarë mund të humbasë të afërmin e tij”, u shpreh Rama. /tesheshi.com/

 

 

auto pjese dak

Related posts