Presidencialet e Maqedonisë Verore: vota shqiptare përcakton gjithçka, avancon Pendarovksi

Kandidati i koalicionit qeverisës për presidentin e Maqedonisë Veriore, Stevo Pendarovski në nja avantazh të butë me 27.2 për qind të votave në lidhje me kandidaten opozitare të VMRO-DPMNE, Gordana Siljanovska me 23.5 për qind.

Ky është rezultat i hulumtimit të kryer nga Qendra Maqedonase për Bashkëpunim Ndërkombëtar – QMBN dhe Instituti për Demokraci – IDSCS, realizuar me kërkesën e televizionit Telma.

Të dhënat tregojnë se kandidati i partive opozitare në Maqedoni Veriore (Aleanca për Shqiptarët dhe BESA) Blerim Reka mbështetet 11 për qind nga numri i përgjithshëm i të anketuarve.

Ndryshe nga studimi i parë që u zhvillua nga QMBN dhe IDSCS, Pendarovski ka rritur avantazhin e tij mbi rivalen Siljanovska nga 2.6 në 3.7 për qind.

Rezultatet treguan se Siljanovska ka mbështetje më të madhe në mesin e maqedonasve etnikë (32.6 përqind) krahasuar me kandidatin e koalicionit të LSDM-BDI (28.6 për qind).

Pendarovski ka në mënyrë të konsiderueshme më shumë mbështetje në mesin e shqiptarëve etnikë (20.5 përqind), ndërsa kandidatja e VMRO-DPMNE ka përkrahjen e vetëm 0.4 për qind të shqiptarëve të Maqedonisë.

Sipas këtij studimi, pjesa më e madhe e shqiptarëve etnikë do të votojnë për Rekën, 41.6 përqind e të anketuarve.

Raundi i parë i zgjedhjeve presidenciale në Maqedoninë Veriore do të mbahet më 21 prill.

Nëse asnjë nga kandidatët nuk fiton 50 për qind plus një votë të totalit të regjistruar në listën e votuesve, një raund i dytë do të mbahet më 5 maj. /tesheshi.com/

auto pjese dak

Related posts