Auto Dak
Auto Dak

Precedenti “Christchurch”, Facebook zgjeron përkufizimin e terrorizmit

Facebook të martën zbuloi një seri ndryshimesh për të kufizuar gjuhën e urrejtjes dhe ekstremizmin në platformën e saj, mes pyetjeve në rritje se si ky rrjet social mund të radikalizojë njerëzit, raporton New York Times.

Nën presionin për t’iu përgjigjur kërcënimeve nga supremacistët e bardhë që sulmojnë, siç ishte rasti i vrasjeve masive në Christchurch të Zelandës së Re, Facebook ka zgjeruar përkufizimin e tij për një organizatë terroriste.

 Përkufizim i ri

“Ndërsa përkufizimi ynë i mëparshëm kishte për qëllim akte dhune që kanë një qëllim politik ose ideologjik, përkufizimi ynë i ri e bën më të qartë se përpjekjet për dhunë, veçanërisht kur drejtohen ndaj civilëve me qëllim të shtrëngimit dhe frikësimit, janë subjekt i terrorizmit”, tha Facebook të martën.

Sulmi në Christchurch, i cili u transmetua nga autori drejtpërdrejtë në Facebook, “pati një ndikim të rëndësishëm” në nxjerrjen e rregullave në Facebook, tha kjo kompani, duke e quajtur aktin një “sulm terrorist”.

Për më tepër, Facebook tha se më shumë se 200 grupe të bardha supremaciste u hoqën nga rrjeti social. Duke vepruar kështu, një kombinim i inteligjencës artificiale dhe moderatorëve njerëzorë u përdor për të identifikuar grupet ekstremiste bazuar në sjellje e jo ideologji.

Luftimi i ekstremizmit

Në dy vitet e kaluara, ky rrjet social ka hequr 26 milion përmbajtje në lidhje me grupet terroriste si ISIL ose Al Qaeda, 99 përqind e të cilave janë fshirë përpara se të raportohen nga një prej përdoruesve.

New York Times më parë theksoi se Facebook njoftoi një ndryshim rregulli dhe heqjen e të dhënave vetëm një ditë para seancës së planifikuar me Google dhe Tëitter përpara Kongresit – për mënyrën sesi kompanitë e teknologjisë merren me përmbajtje të dhunshme.

Facebook thotë se ata kanë një ekip prej 350 personash “me ekspertizë duke filluar nga zbatimi i ligjit dhe siguria kombëtare, e deri në kundër-terrorizmin dhe studimet akademike me prirje radikale”. /tesheshi.com/

auto pjese dak

Related posts