Kemi dëgjuar e mbase parë budallallëqe e çmenduri nga më të ndryshmet me fotografitë selfie që prej kohës kur ato janë krijuar e deri në ditët e sotme. Nga ato më të thjeshtat e deri tek më e vështira, e cila mund të ketë pasur si pasojë edhe humbjen e jetës së personave të ndryshëm.
Këtë herë bëhet fjalë për diçka që është me të vërtetë për të qeshur. Është bërë virale fotografia e një djaloshi 20 vjeçar. Ai quhet Gilbert Phelps dhe ka dashur të përjetësojë për një kohë të gjatë një fotografi selfie, të cilën e ka realizuar me celularin e tij, ndërsa është arrestuar nën efektin e marijuanës.
I riu i ka kërkuar agjentit që e ka ndaluar rreth orës dy të natës në Iowa City, të realizojnë bashkë një fotografi në mënyrë që ta kishin si një kujtim bashkë. Polici nuk ka refuzuar dhe gjithçka është shpërndarë në rrjetin social Snapchat, duke bërë më pas xhiron e rrjetit./tesheshi.com/
