Auto Dak
Auto Dak

Post-tërmeti në Manzë: denoncohet rasti i një imazhi qeveritar ndryshe nga realiteti

ABC News denoncoi një rast të mospërputhjes së imazhit me realitetin në rastin e post-tërmetit, e që kishte në qendër një vizitë të kryeministrit Rama në Manëz të Durrësit.

Aty janë dy realitete me të pastrehët e tërmetit; ai i strehimit në disa kontenierë, vërtet me kushte të mira, e ai i disa çadrave, që, nga moti me shi, balta ishte futur brenda tyre, duke e bërë të vështirë qëndrimin e banorëve brenda tyre, aq më tepër dhe me fëmijë të vegjël.

Ata u ankuan se ndërsa Rama vizitoi kontenierët, te ata as që u qas.

“Erdhi Edi Rama te shkolla dhe këtu nuk erdhi të shihte se ku jetojmë. Ai duhet të vinte të shihte familjarët këtu si jetojmë. Shkolla është ndryshe, familjarët janë ndryshe, ne nuk rrimë për qejf këtu.

Erdhi te kontenierët, bëri ca filmime dhe iku. Ne e pritëm, me shpresën se do vinte të na shikonte në çfarë kushtesh jetojmë”, tha një banor i dëshpëruar.

Më tej, mospërputhja doli në pah me pohimin e zv/ministres së Mjedisit Ornela Çuçi, e cila, duke e shoqëruar shefin e qeverisë të kontenierët, tha se “kemi akomoduar fillimisht nga çadrat të gjithë fëmijët që kanë qenë 0 deri në 1 vjeç. Pastaj me prioritet, duke u rritur, e pastaj invalidët”.

Por dhe në këtë rast, gazetarja zbuloi një rast në çadra të një nëne me foshnjën dy muajshe, e gjithashtu një invalid aty.

Nëna e foshnjës tha se askush nuk ikishte mundësuar shkuarjen në kontinier, e shtuar se “futen me të njohur njerëzit atje”. /tesheshi.com/

 

 

auto pjese dak

Related posts