Auto Dak
Auto Dak
Auto Dak

Përsëri Champions League: katër takime në dy ditë

Veprimtarisë më me prestigj të futbollit europian i kushtohet sërish e marta dhe e mërkura, me katër takimet e tjera të para të një të tetave.

Në javën e shkuar pamë fitoren e katër skuadrave pritëse, me dy prej takimeve që patën shumë gola. Fitorja më e ngushtë qe ajo e Benfikës ndaj Borusias së Dortmundit, 1-0, e më e thella, ajo e Bajernit të Mynihut ndaj Arsenalit, 5-1. PSG-ja shkatërroi Barcelonën, duke i lënë pak mundësi për kualifikim pas rezultatit 4-0, ndërkohë që Reali mposhti 3-1 Napolin.

Golat të shumtë premton dhe kryendeshja e së martës, Mançester Siti – Monako. Skuadra angleze ka rigjetur formën dhe rezultatet, dhe tani renditet e dyta në Premier League. Monako, nga ana tjetër, kryeson kampionatin francez. Veç kësaj, ka një sulm të frikshëm: 76 gola të shënuar në 26 ndeshje. Për të mos harruar Cavani-n, golashënuesin më të mirë, me 25 gola të realizuar gjer tani në kampionat.

Takimi tjetër i kësaj mbrëmjeje vë përballë gjermanët e Bajer Leverkusenit me spanjollët e Atletikos së Madridit. Udhëtuesit janë favoritë; pasi kanë humbur dy finale të aktivitetit në vitet e fundit, kërkojnë një mundësi të tretë për ta fituar trofeun.

Kalendari i së mërkurës vë përballë Porton me Juventusin dhe Seviljen me Lestër Sitin. Takimi i parë është veçanërisht interesant për faktin se në dy skajet e fushës do të jenë dy prej portierëve veteranë të Europës, Casillas dhe Buffon. Në takimin tjetër, Sevilja do të luajë ndaj kampionëve në fuqi të Anglisë, që në këtë sezon rrezikojnë të bien një kategori më poshtë. Megjithatë, paraqitjet e Lestër Sitit në Champions League kanë qenë deri tani shumë më pozitive se në Premier League.

Sfidat do të luhen, si gjithnjë, në orarin e zakonshëm, në 20:45. /tesheshi.com/

auto pjese dak

Related posts