Auto Dak
Auto Dak

Pas deklaratës së Al Kapones, qarqe pranë Berishës dhe Metës sulmojnë ashpër Donald Lu-në

24 orë pas deklaratës së ambasadorit të SHBA-ve, Donald Lu, mbi kapjen e Al Kapones, një tjetër zyrtar i lartë ndërkombëtar, siç është komisioneri i BE-së për Zgjerimin, Johannes Hahn, ka kërkuar “kapjen e peshqve të mëdhenj”.

Por këto deklarata kanë qenë traumatike për një pjesë të politikës shqiptare, dhe në mesin e tyre ka qarkulluar dilema se kush është Al Kapone shqiptar?!

Edhe pse ish-kryeministri Sali Berisha e ka emërtuar pasardhësin e tij, Edi Ramën, si “Al Kapone”, gjë që e bën shpesh ditëve të enjte, veçse me emra të ndryshëm, një indikacion tjetër ka ardhur prej qarqeve që e kanë komentuar deklaratën e ambasadorit amerikan në Tiranë, Donald Lu.

Qarqe mediatike pranë zotit Berisha dhe Ilir Metës kanë ndërmarrë një sulm frontal ndaj ambasadorit amerikan.

Ben Blushi, deputeti socialist që është rival politik me Edi Ramën në PS dhe që ka bërë të ditur se do të formojë një parti të re të së majtës, deklaroi sot në Kuvend se Rama i ka garantuar Metës se nuk do të burgoset.

“Me bindjen se burgu shërben për të nxitur reformat, gjatë këtyre 400 ditëve punë të përditshme në shërbim të shërbimit të burgjeve, ai ka arritur të bindë edhe një njeri se nuk do ta fusë asnjëherë në burg: ky është Ilir Meta. Dhe kam përshtypjen se këtë premtim Edi Rama do ta mbajë me korrektesë. Deri ditën kur Rilindja të hyjë në zgjedhje,” deklaroi Blushi.

Ndërkaq, nga qarqe mediatike të afërta me Ilir Metën është sulmuar fort ambasadori Donald Lu.poli hoxha

Një sulm ka ardhur prej Poli Hoxhës, ish-kryeredaktorit të gazetës Integrimi të LSI-së, sot drejtues i Standard-it, por që është me qëndrime pro LSI-së, kurse qëndrimi i dytë ndaj diplomatit amerikan ka ardhur nga këshilltari i Ilir Metës, Dritan Kaba, i cili më pas e ka fshirë postimin e tij.

Në shkrimin e tij, Poli Hoxha akuzon Donald Lu-në se po i amniston krimet e Edi Ramës.

“Nuk e di se çfarë thuhet në analizat dhe prognozat që i shkojnë në zyrë ambasadorit për perspektivën social-ekonomike të vendit tonë, dhe kur e ku e vendos SHBA vijën e kuqe, edhe në funksion të interesava të saj gjeopolitike, por një gjë duket qartë: krimi i organizuar është në fazën e fundit të planit të tij. Tashmë nuk është politika, njerëzit me ndikim, siç i quan zoti Lu, që i mbrojnë bosët e krimit, por janë këta të fundit që kontrollojnë dhe urdhërojnë shtetin dhe politikën,” shkruan ndër të tjera Poli Hoxha, në komentin e rregullt që boton te syri.net.

lusulmPor më të egra se shkrimi janë komentet në faqen e facebook-ut të syri.net. Nuk lënë asnjë shkas për tolerancë sulmet ndaj ambasadorit, që e anatemojnë me lloj-lloj fjalësh.

Syri.net është një portal pranë Partisë Demokratike, me marrëdhënie të afërta me ish-kryeministrin Sali Berisha.

Ndërkaq, këshilltari i Ilir Metës, Dritan Kaba, i cili në një postim replikonte me ambasadorin Lu, në orët e mesditës e ka fshirë atë. /tesheshi.com/

 

auto pjese dak

Related posts