Auto Dak
Auto Dak

Papa Françesku: asgjë e krishterë në përndjekjen e hebrenjve

Papa Françesku dënoi antisemitizmin, në një kohë shqetësimi për rritjen e këtij fenomeni në Evropë.

“Hebrenjtë kanë vuajtur shumë gjatë historisë”, tha Papa Françesku gjatë një audiencë të përgjithshme të mërkurën në Sheshin e Shën Pjetrit, duke dënuar fillimisht atë që ë cilësoi “brutalitetin e Holokaustit”.

“Ne të gjithë ishim të bindur se kjo mbaroi. Por sot ne po shohim sërish persekutimin e hebrenjve. Vëllezër dhe motra, nuk është njerëzore e as e  krishterë…Hebrenjtë janë vëllezërit tanë dhe ata nuk duhet të persekutohen. A e kuptoni?”

Papa Françesku tha në mars të këtij viti se antisemitizmi ishte pjesë e një vale “urrejtjeje të korruptuar” që kishte përfshirë disa vende dhe u bëri thirrje të gjithëve të jenë vigjilentë për të.

Ai gjithashtu theksoi se është mëkat për të krishterët që të kenë ndjenja antisemitike sepse ata ndajnë një trashëgimi me hebrenjtë.

“Jam shumë i shqetësuar për përhapjen, në shumë vende, të një klime ligësie, ku shfaqet një urrejtje e ekzagjeruar dhe e korruptuar”, tha Papa.

“Në veçanti, unë mendoj për shfaqjen e sulmeve antisemitike në vende të ndryshme.”

Ai theksoi se për një të krishterë, çdo formë e antisemitizmit është një refuzim i rrënjëve të vet.

Një studim i Bashkimit Evropian i lëshuar në fillim të këtij viti zbuloi se më shumë se një e treta e hebrenjve evropianë kanë marrë në konsideratë emigrimin në pesë vitet e fundit, pasi nuk ndjehen më të sigurt. /tesheshi.com/

auto pjese dak

Related posts