Auto Dak
Auto Dak
Auto Dak

OPOZITA/ Politikë koronare: miti akuzator “teste”, kë dhe sa fyen?

Karakteristikë kryesore e institucionit akuzator opozitar, posaçërisht PD-së, është krijimi i mitit. Siç duhet, miti është një fiksacion emotiv mbi diçka, një ngurtësi apo më trashë, një kokëderrësi, ku logjika apo argumenti nuk kanë vend.

Karshi qeverisjes “Rama”, edhe pse ajo në mbi 6 vite ka ofruar plot lëndë të qartë për akuza e kritika, gati në çdo fushë, PD ka preferuar rendjen drejt mitit, duke besuar verbërisht vetëm te ajo.

Ndodh kjo për shkak të një tradite, të një trashëgimie të saj, atë që lidhet me stilin berishist të akuzës, shndërruar prej dekadash në institucionin bazë të PD-së.

PD, duket se rron, se ekziston, vetëm për të akuzuar. Pra, e tretur e tëra në psikologji berishiste. Me emrin e këtij të fundit, nuk identifikohet asgjë tjetër veç akuzës, qoftë në pushtet e qoftë në opozitë.

Më i fundit mit, krijuar në situatën koronare, është ajo mbi testet.

PD është kapur pas një deklarate të kreut të OBSH-së javë më parë – “testim, testim, testim” – për të ngritur një furtunë akuze fikse se qeveria po e injoron.

Por kujtojmë se OBSH ka njeriun e saj në Tiranë. Quhet Raul Gonzales, dhe i cili po javë më parë do e sqaronte thjesht e qartë se ç’ka dashur të thotë eprori i tij në Gjenevë me “testim, testim,testim”.

 

“Po, ai e thotë ‘test, test, test’, të rasteve të dyshuara. Pra të rasteve të dyshuara. Ne nuk jemi përballë mundësisë të shkojmë e të bëjmë një testim të përgjithshëm të popullsisë.

Është e nevojshme një testim racional dhe secili shtet, duhet të analizojë situatën epidemiologjike duke marrë masat e duhura. Testimi në vetvete nuk shëron. Testi në vetvete nuk parandalon. Testi në vetvete na ndihmon të kuptojmë evulimin e epidemisë”, tha Gonzales në Real Story përballë Sokol  Ballës.

E jo vetëm për këtë rast, zotëria vlen për çdo gjë që ndodh në vendimmarrjet e llogores mjekësore. Plus kësaj, është fyese për specialistët e lëmës, ata që janë në ballë të situatës, që të dëgjojnë nga foltore politike që dikush t’u “tregojë arrat”, brenda një gjuhë politike parazite. Do ishte paksa ndryshe vetëm nëse Basha i referohet një “ekipi të tij” specialistësh, e këta të fundit do dilnin me referenca të qarta nga përvojat aktuale botërore.

Kjo krizë ka një të veçantë prej të gjitha të deritanishme: ka kapur gafil të gjithë, kudo, vendimmarrës politikë të niveleve globale, e aula botërore shkencore. Kështu që nëse një qeveri, do karakterizohet dhe nga gomarrllëqe në vendimmarje, do ishte plotësisht e justifikueshme. Corona i ka rrëzuar të gjithë; ka rrëzuar çdo nivel mendimi e dijeje të deritashme, e ajo që ka mbetur është vetëm qasja morale ndaj fenomenit. Ndërkohë, e vetmja referencë zgjidhjeje vjen nga Kina, vendi ku u ngjiz kjo gjëmë që ka kapluar botën mbarë, që dhe kjo e fundit i është referuar, me vetëdije apo pa vetëdije, një direktive profetike mbi karantinimin, asaj të Profetit Muhamed para dhjetra shekujsh.

Duke iu rikthyer opozitës në Shqipëri, ajo qartazi ka vendosur të konsumojë tipikisht atë politikë akuzatore që i përket kohëve normale. Dhe kjo me anë të mitizimit të akuzës. “Testet” janë prej dhjetra sosh.

Ndërkohë që dhe “Babalja” me bluzë të bardhë, infermieri militant që doli për të denoncuar mosmbrojtjen duke qenë i mbrojtur (me veshje speciale), ishte një truk ndër më të trashët. Infermieri kishte eprorë, kishte kolegë, e nëse vërtet do ndodhte të mos kishte veshje mbrojtëse, gjithçka duhej të konsumohej brenda rrethit ku shërbente profesionalisht. Morali i munguar i kësaj qasjeje, duke u zëvëndësuar trashësisht me një akuzë të rëndomtë politike – ngjashmërisht me rastin “Babale”: denoncim me monitor – e katandisi atë në një fiasko. Megjithatë, ka mite akuzatore që ende mbeten gjallë dhe aktive, siç është ajo e maskave të skaduara. Më e thjeshta, edhe sikur të mos ishte shpjegimi shterues i Ramës, i provuar tashmë dhe në realitete globale, si do i lejonte ato njeriu i OBSH-së, pra Gonzalesi, ai që është monitoruesi kryesori i çdo procesi dhe çdo vendimmarjeje. Por po ashtu, si do e gëlltisnin këtë poshtërsi të qeverisë ata dhjetra mjekë specialistë.

Çështja është sekëto mite, që sigurisht nuk janë të vetme, as për këtë situatë krize e as për atë normalen, janë tejet fyese për inteligjencat jo militare, e shumë më tepër për ato profesioniste. Ndaj dhe PD ka atë rënie katastrofike elektorale, sepse ndërsa ushqen militanca gdhë, fyen parreshtur inteligjenca që i largohen si “djalli nga temjani”. /tesheshi.com/

 

 

 

auto pjese dak

Related posts