Auto Dak
Auto Dak

Operacion “Limit”, Rendi: si u shkatërruan 4 grupe kriminale pas 3 vitesh hetime

Policia e Shtetit dhe Krimet e Rënda shpallën në një konferencë për shtyp rezultatet e një operacioni që sipas tyre ka çuar në shkatërrimin e katër grupeve kriminale shqiptare. E kjo, pas tre vitesh hetime.

“Është përmbyllur me 65 urdhër-arreste një hetim tre vjeçar që çoi në shkatërrimin e katër grupeve kriminale të trafikut të kokainës dhe kanabisit që përpunohej në vendin tonë dhe trafikohej në Greqi, Turqi dhe vende të BE-së. Hetimi i Prokurorisë për Krime të Rënda në bashkëpunim të ngushtë me policinë e Shtetit dhe autoritetet greke, u finalizua me operacionin e fundit policor ‘Limit’ me përfshirjen e rreth 300 efektivëve në disa qytete të Shqipërisë (Tiranë, Fier, Vlorë, Gjirokastër, Korçë), ku ditën e sotme u arrestuan 17 persona, ndërsa 6 të tjerë janë aktualisht në burg, të arrestuar më herët, ndërkohë 8 janë në kërkim. Pra në Shqipëri të arrestuar 31 persona në total, 34 arrestime janë bërë në Greqi”, u tha në një deklaratë për media.

Reagoi më pas dhe ministri Lleshaj, kur tha se lufta ndaj krimit të organizuar nuk mbyllet me kaq.

“Ky është një sukses shumë i madh i Policisë së Shtetit, Prokurorisë së Krimeve të Rënda, agjencive të tjera dhe partnerëve tanë ndërkombëtarë. ‘LIMIT’ është kulmi i një serie të madhe goditjesh që krimi i organizuar ka marrë këtë vit.

Vetëm gjatë këtij viti, ‘FORCA E LIGJIT’ ka finalizuar 28 operacione, në fushën e trafikut të narkotikëve janë arrestuar gjithsej 170 persona, janë sekuestruar rreth 55 milion Euro dhe shumë gjëra të tjera. Por asgjë nuk mbyllet me kaq.

Operacioni vazhdon. Lufta kundër krimit të organizuar do të njohë vetëm përshkallëzim të mëtejshëm në funksion të përmbushjes së objektivave të mëdha për një Shqipëri të zhvilluar, demokratike dhe europiane”, shkroi kreu i Rendit. /tesheshi.com/

auto pjese dak

Related posts