Auto Dak
Auto Dak
Auto Dak

Njihuni me pasojat e një cunami të ndodhur në Hasanbeg të Shkupit: ja si vdiqën afro 30 njerëz…

Nga Ermir Hoxha  

Shtepia e Luftiut

Në familjen Abazi, Luftiu, kryefamiljari, rri e vështron i pezmatuar një shtëpi përdhese për mbi 70-vjeçare, aty ku ai e vëllezërit, kanë kujtimet e fëmijërisë. Ajo mundi t’i  rezistojë tërmetit tragjik të vitit 1963, kur Shkupi i bë rrafsh, por jo atij lloj “cunami” të mbrëmjes së të shtunës, asaj të 7 gushtit, kur lagjja Hasanbeg, banori i së cilës ai prej sa ka ardhur në jetë, u përballë me një vërshim të paparë uji.

Tcunam 1

Po!  Një cunam i vërtetë, edhe pse jo nga valë deti por nga ujra përroi, ku afro 30 viktimat janë “prova” e atij fenomeni të frikshëm, i cili na ngjan se i përket një bote të largët.

Përroi i tragjedisë
Përroi i tragjedisë

Po si është e mundur kjo, teksa në Shkodër, vite më parë, edhe pse ishin tre lumenj që dolën nga shtrati e përmbyjet ndërmorën një përmasë të frikshme, me nivel uji deri afro 2 metra nga toka, viktima gjithsesi nuk pati?!

Pikërisht pra, sepse aty ka patur një lloj cunami, ku në pak sekonda, një valë e madhe uji ka marrë përpara gjithçka, pa i lënë kohë shumëkujt që në ato çaste është ndodhur jashtë, të ikë, të largohet, t’i shpëtojë vrullit të ujit, e një ngritjeje të beftë të tij prej gati 1 metër e gjysëm nga toka, sa hap e mbyll sytë.

mixha

Tashmë që uji ka rënë, banorët e Hasanbegut, ashtu nën një tronditjeje e gati shashtisjeje nga ajo që u bëri vaki, kanë përveshur llërët e mbathur çizmet, për nxjerrë masën e madhe të baltës nga shtëpitë dhe oborret.

Udhët e fshatit zjejnë nga puna. Bagerat, siç u thonë ruspave, si dhe makinerinë e rënda vejnë e vijnë duke transportuar plaçkë e sende të dala jashtë përdorimit.

Një duhmë e rëndë ndihet ngado, dhe shumëkush mban mbrojtëse në fytyrë.

Rutinën e prish lajmi se diku sapo u gjet kufoma e një gruaje. Dhe kjo është tashmë diçka e zakonshme.

mort

Në disa familje janë hapur dyert e mortit, por xhenazja mungon. Njeriu për të cilin priten ngushëllime, nuk është gjendur ende. Por që shpresa që të gjendet diku i gjallë, gati është shuar.

Skenat e asaj ploje janë të shumta, siç janë të shumta dhe episode e saj nate dhe të ditëve që kanë pasuar.

Në Hasanbeg, nuk ka mbërritur ende asnjë media  e Shqipërisë, veç atyre të Kosovës. Dhe ky është një trishtim më tepër. /tesheshi.com/                                              

 

 

auto pjese dak

Related posts