Auto Dak
Auto Dak
Auto Dak

Një vetëlargim jo si gjithë të tjerët nga deputetllëku

Pas Vasilika Hysit dhe Besnik Bares, kanë pasuar dy vetëlargime të tjera nga tentativa për një tjetër mandate deputeti, sërish nga PS.

Sadi Vorpsi, ish-prefekt i Tiranës, e konsideroi të përfunduar misionin e tij në politikë, edhe pse nuk qe ndër ata zëra gjurëmlënës në të.

“Pas 4 vitesh kontribut si Prefekt i Qarkut Tiranë dhe 4 vitesh si deputet i Partisë Socialiste, kam vendosur t’ia kaloj stafetën prurjeve të reja për t’u fokusuar më shumë tek familja ime dhe në angazhime të tjera private.

T’i shërbeja vendit dhe qytetit tim ka qenë nder dhe privilegj i jetës sime”, lajmëroi Vorpsi në rrjete.

Por vetëlargimi tjetër i bujshëm është ai Reme Lalës, një deputete jo e PS-së, por që iu bashkangjit me votën e saj mazhorancës pasi siguroi një mandate deputeti në 2017 nën siglën e PDIU-së së Shpëtim Idrizit.

Emri i saj ka qenë dhe vijon të jetë i debatueshëm jo për ndonjë protagonizëm të veçantë politik, por nga fakti se është e bija e një prej atyre “të fortëve” që ndryshe “bëjnë ligjin” në Dibër, Ymer Lala, i rekrutuar politikisht vite më parë si çam në prapavijat e politikës lokale.

Me gjasë, mundet që vetëlargimi i Reme Lalës, ndryshe nga ai emrave të tjerë në PS, të jetë dhe nga presioni amerikan për emra të pastër në listat e deputetëve.

Gjithsesi, vetë personi në fjalë nuk ka asnjë njollë në biografinë e saj personale. Por siç hyri në parlament nga emir i të atit, të jetë po kjo arsyeja e daljes që aty. /tesheshi.com/    

 

 

auto pjese dak

Related posts