Dashuria dhe seksi në Japoni duken si një mundim i gjallë, në një kohë kur numri i të porsalindurve po bie dhe numri i beqarëve po rritet vazhdimisht.
Mariko është e shqetësuar për jetën seksuale të shoqes së saj.
“Ajo dëshiron një fëmijë, por ajo dhe burri i saj nuk bëjnë seks”, thotë 44-vjeçarja.
“Burri i pëlqen lojërat me video dhe ushqimin, por nuk është i interesuar për seks,” thotë Mariko, duke përcjellë atë që i tha shoqja e saj Yoko.
Teke parazitare
As Mariko nuk ka një partner seksual, megjithëse dëshironte të kishte një bashkëshort dhe një fëmijë. Ajo dhe Yoko nuk janë të vetmet me probleme të tilla në Japoni ku ka më pak marrëdhënie romantike dhe popullsia po plaket më shpejt se në çdo vend tjetër të industrializuar në botë.
“Rreth 25 përqind e rinisë së sotme në Japoni kanë të ngjar të mbeten beqar dhe të pamartuar për gjithë jetën”, tha profesori Masahiro Yamada i Universitetit Chuo.
Ai dikur përdori termin “beqarë parazitë” për të përshkruar një popullsi të rritur që nuk është e martuar dhe jeton me prindërit në kurriz të tyre. Pjesa e beqarëve në popullsi është rritur në mënyrë dramatike në 30 vitet e fundit.
Rezultati është një komb me një reputacion famëkeq për të qenë “pa seks”.
Një studim i Universitetit të Tokios zbuloi se një në katër gra dhe një në tre burra në fund të të 30-at e moshës së tyre janë beqare. Gjysma e tyre nuk ishin të interesuar për marrëdhëniet heteroseksuale, tregoi studimi. Mediat japoneze raportojnë rregullisht për një rritje të virgjinitetit dhe një rënie të pretenduar të interesit për marrëdhëniet seksuale.
A është faji i kësaj humbjeje të libidos për shkallën e ulët të lindjeve në Japoni? Shkencëtarët thonë se problemi është shumë më kompleks.
“Japonia është e fiksuar me imazhin tradicional të familjes”, tha Yamada, i cili shkroi një libër për të rinjtë dhe vlerat konservatore.
Shumë të rinj japonezë përpiqen të përmbushin një rol tradicional gjinor në të cilin burri është ai që fiton, dhe gratë kujdesen për shtëpinë dhe fëmijët.
Në fillim të viteve ’90, ishte më lehtë për gratë e reja të gjenin një burrë me një punë të paguar mirë. Këto ditë, në dritën e situatës së vështirë ekonomike të Japonisë, kjo nuk është më e lehtë.
Megjithatë, thotë Yamada, ideali tradicional i burrit si mbajtësi i vetëm i familjes vlerësohet ende. Si rezultat, shumë gra të reja japoneze vazhdojnë të jetojnë me prindërit e tyre dhe presin të gjejnë atë që është i duhuri për ta. “Sidoqoftë, një numër i madh i tyre nuk do ta gjejnë kurrë këtë lloj partneri ideal”, thotë Yamada. Kjo është arsyeja pse shumë kanë mbetur vetëm.
Në vitin 2015, shkencëtarët në Universitetin e Tokios numëruan 2.2 milion më shumë femra dhe 1.7 milion më shumë meshkuj midis moshave 18 dhe 39 vjeç sesa 20 vjet më parë.
“Pas tridhjeetave, ju jeni i martuar ose beqar”, tha Peter Ueda, një epidemiolog në Universitetin e Tokios. “Janë të paktë ata që janë në marrëdhënie jashtëmartesore”.
Prandaj është e arsyeshme të supozohet se forma më e pranueshme shoqërore e marrëdhënies së të rriturve është “në të vërtetë një pengesë për krijimin e marrëdhënieve romantike në Japoni”, shkroi Ueda në revistën PLOS ONE.
Në një sondazh të vitit 2015, më shumë se gjysma e beqarëve që thanë se nuk ishin të interesuar për marrëdhënie, megjithatë ruajtën shpresën për t’u martuar një ditë.
Ndaj dhe Mariko ende shpreson…/tesheshi.com/
