Auto Dak
Auto Dak

Një Nobel zhgënjyes: Peter Handke, ithtar i Millosheviçit dhe mohues i gjenocidit në Srebrenicë

Peter Hankde, shkrimtari austriak 76-vjeçar, ka fituar çmimin Nobel për letërsi.

Por shkrimet e Peter Handke kanë qenë tejet kontroverse. Duke u rritur afër kufirit me Slloveninë, ai ishte një përkrahës i madh i ish-Jugosllavisë, e cila u manifestua më pas me përkrahjen për serbët gjatë luftës në Ballkan në vitet e 90-ta.

Në vitin 2006, Peter Handke mori pjesë në funeralin e ish liderit serb dhe të dyshuarit për krime lufte, Slobodan Millosheviçit, një figurë të cilin ai e simpatizonte pavarësisht akuzave që kishte për gjenocid.

Shkrimtari austriak madje ka mohuar dhe masakrën serbe në Srebrenicë.

Pasi Peter Handke përshkroi bombardimin e Serbisë nga NATO si krim lufte, ai u sulmua nga politikanët dhe mediat, një periudhë që e përshkroi në librin e tij “Udhëtimi nga Dugout, ose shfaqja për filmin e luftës”.

Në vitin 2006, pas kritikave për pjesëmarrjen në funeralin e Slobodan Millosheviçit, nominimi i Peter Handkes për çmimin “Heinrich Heine” prej 50 mijë eurove u anullua nga këshilli i qytetit të Dyseldorfit. Shkrimtari më pas tha se nuk do ta pranonte çmimin.

Anëtarë të ansamblit të Berlinit e quajtën anullimin e çmimit si “sulm ndaj lirisë artistike” dhe iniciuan “Çmimi Heinrich Heine Berlin” që arriti të grumbullonte të njëjtat të holla, por që Peter Handke nuk i pranoi, duke kërkuar që të hollat të dhurohen për enklavat serbe në Kosovë. /DW/tesheshi.com/

auto pjese dak

Related posts