Auto Dak
Auto Dak
Auto Dak

ANKTHI/ Ç’farë e tremb Izraelin pas largimit të mburojës “Trump”

Shqetësimet po rriten në Izrael se largimi i administratës së ish-Presidentit amerikan Donald Trump do të çojë në rihapjen e hetimit të Gjykatës Penale Ndërkombëtare në Hagë (ICC) kundër Tel Avivit për shkak të dyshimeve se ky shtet ka kryer krime kundër palestinezëve.

Kanali televiziv shtetëror izraelit Khan raportoi të dielën se frika e ICC-së nga sanksionet e vendosura mbi të nga administrata Trump tani po zbehet, dhe kjo mund të shtyjë gjykatësit e kësaj gjykate të fillojnë një hetim kundër Izraelit mbi luftën e vitit 2014 në Gaza dhe vendbanimet e emigrantëve në Bregu Perëndimor, sipas të njëjtit burim.

Khan raportoi se vendimi për të hapur një hetim ka qenë në tryezën e ICC që nga dhjetori 2019.

Një hetim i tillë do të kishte implikime të gjera për shumë zyrtarë të nivelit të lartë izraelitë, politikë dhe ushtarakë, në të kaluarën dhe të tashmen, dhe urdhër-arreste ndërkombëtare mund të lëshoheshin kundër disa prej tyre, sipas kanalit televiziv izraelit.

Sanksionet dhe njoftimi

Trump vendosi sanksione ndaj zyrtarëve të ICC në qershor të vitit të kaluar për përpjekjen për të hetuar krimet e mundshme të luftës nga ana e SHBA në Afganistan, si dhe hetimin e aleatëve të Uashingtonit, përfshirë Izraelin.

Në dhjetor 2019, Kryeprokurori i ICC Fatou Bensoud njoftoi se gjykata kishte gjetur prova të mjaftueshme për të hapur një hetim mbi “krimet e luftës” të mundshme të kryera nga Izraeli kundër palestinezëve në territoret palestineze të pushtuara.

Në një deklaratë të postuar në faqen e internetit të ICC, Bensouda tha se të gjitha standardet ligjore të vendosura nga Statuti i Romës (një traktat ndërkombëtar që është në themel të Gjykatës Penale Ndërkombëtare), janë në dispozicion, duke lejuar një hetim mbi pretendimet e krimeve të luftës të kryera në territoret palestineze.

“Unë jam i bindur se krimet e luftës janë kryer ose janë duke u kryer ende në Bregun Perëndimor, duke përfshirë Jeruzalemin Lindor dhe Rripin e Gazës,” shtoi Bensouda.

Që atëherë, procedimet gjyqësore kanë qenë në proces për të përcaktuar shkallën e juridiksionit në Jeruzalemin Lindor, Bregun Perëndimor dhe Rripin e Gazës. /tesheshi.com/

auto pjese dak

Related posts