Auto Dak
Auto Dak
Auto Dak

Nis reprociteti në vend të taksës, SHBA dhe Kurti ndahen “me thikë”

Në ditën e parë të heqjes së taksës, SHBA u tregua sërish e ashpër me qeverinë “Kurti”, pasi kjo e fundit e kushtëzoi aktin në fjalë me reprocitetin.

“Shtetet e Bashkuara ishin të qarta se Kosova duhet të heqë të gjitha tarifat dhe të mos krijojë barriera të reja, sepse këto politika lëndojnë njerëzit e Kosovës dhe e ngulfatin ekonominë e vetë Kosovës. Mbesim në kundërshtim të veprimit të fundit për zbatimin e masave të reciprocitetit ndaj qarkullimit të mallrave nga Serbia”, thuhet në një reagimin të ambasadë amerikane në Prishtinë.

“Këto masa krijojnë më shumë probleme në kohën kur SHBA-të besojnë se marrëveshjet për linjë ajrore, hekurudhore, dhe për autostradë, të arritura mes të dyja palëve, do të rrisin zhvillimin ekonomik kur ato të zbatohen, dhe do të krijojnë kushtet e nevojshme për dialog të suksesshëm”, përfundon reagimi.

Nga ana tjetër, Kurti u mbrojt duke thënë se reprociteti ka qenë premtim elektoral.

“Dje, kam nënshkruar vendimin për heqjen e plotë të tarifës 100 përqind për importet nga Serbia dhe Bosnja e Hercegovina dhe implementimin e masës së reciprocitetit me Serbinë.

Ka qenë pretim yni elektoral; pjesë e marrëveshjes së koalicionit tonë dhe tash pjesë e programit tonë qeverisës”, shkroi Kurti, i cili më pas qe më i shtjelluar në avokatinë e tij.

“Republika e Kosovës gëzon të drejtën që qytetarët e saj, ndërmarrësit, profesionistët, punëtorët, të trajtohen barabarësisht, pa paragjykime, pa pengesa, pra me dinjitetin e domosdoshëm, kur zhvillojnë aktivitetet jetësore e profesionale. Nuk ka pra, asnjë arsye legjitime e legale që të pranohet se shtetasit e Republikës së Kosovës dhe autoritetet tona mund të diskriminohen e pengohen kur ata eventualisht kanë nevojë të ndërveprojnë me autoritetet e Serbisë në kuptimin tregtar, civil apo të ndonjë sfere tjetër shtetërore.

Qytetarët e Republikës së Kosovës çdo herë kanë shprehur vullnetin që të trajtohen e trajtojnë barabarësisht nga e me qytetarët e shteteve në rajon. Reciprociteti, si parim e veprim, zgjeron mundësitë e respektimit të ndërsjellë shtetëror e të të drejtave. Nuk ka asnjë zhvillim të qenësishëm të rajonit tonë nëse lejohen përpjekjet që e pozicionojnë si të pabarabartë Republikën e Kosovës dhe qytetarët e saj. Andaj vendimi ynë afirmon raportet e barabarta ndërshtetërore, respektimin e drejtave universale dhe krijon klimën e drejtësisë në mes shoqërive”, shkruan Kurti. /tesheshi.com/

 

auto pjese dak

Related posts

WP2Social Auto Publish Powered By : XYZScripts.com