Auto Dak
Auto Dak

Nga paniku në marrëzi: një fake news boshatis Tiranën nga frika e tërmetit, policia shoqëron dy gazetarë

Ka kaluar nga paniku në marrëzi kolektive ndjenja e frikës nga tërmeti te popullata e kryeqytetit, pasi disa faqe online, ndryshe portale, ku veçojnë Syri.net, një media afër PD-së, si dhe Shekulli i Kokëdhimës, përhapën lajmin, tipik një fake nwes, për një tërmet të fuqishëm në orët e vona të së dielës në Tiranë, duke bërë që njerëzit të lënë shtëpitë, marrin makinat, e të ikin ku munden. Kjo solli një kaos në rrugë, një ngjarje e pashembullt, falë papërgjegjshmërisë gazetareske nga njëra anë, e naivitetit njerëzor nga ana tjetër tjetër.

Kjo çoi më pas në një shoqërim në polici të dy gazetarëve, nga dy mediat përkatëse.

“Menjëherë pas publikimit të një lajmi të rremë në portalin SYRI.net dhe më pas edhe në disa portale të tjera, se sipas parashikimeve të një sizmologu grek do ketë në orën 23.30 një tërmet të fuqishëm, lajm i cili shkaktoi panik të madh tek qytetarët të cilët braktisën banesat dhe dolën në rrugë, Shërbimet e Drejtorisë Vendore të Policisë Tiranë kanë shoqëruar në Polici gazetarin e portalit SYRI.net, Aurel Rakipllari dhe gazetaren Daniela Grica e Shekullit, për veprime të mëtejshme, të cilët kanë bërë publikimin e këtij lajmi të rremë, me pasoja paniku te qytetarët.

Policia e Shtetit ka ngritur nëj grup të posaçëm hetimor për të bërë të mundur zbardhjen e plotë të autorësisë së këtij lajmi dashakeq që krijojë frikë e panik tek qytetarët.

Policia e Shtetit ju bën thirrje qytetarëve që të ruajnë qetësinë dhe të mos bien pre e njoftimeve dashakeqe dhe siguron ata se cilido që do përhapë njoftime të tilla do të përballet me forcën e ligjit.

Policia e Shtetit kërkon mirëkuptimin e medias që të tregohen më të kujdesshëm në njoftimet që shpërndajnë, duke kërkuar informacion zyrtar para publikimeve të lajme që krijojnë frikë e panik tek qytetarët”, thuhet në njoftimin e policisë. /tesheshi.com/

 

auto pjese dak

Related posts