Auto Dak
Auto Dak
Auto Dak

Netanyahu zbrapset: shtyn “rrëmbimin” e Rripit të Gazës në 1 korrikun e “shenjtë”

Kryeministri izraelit Benjamin Netanyahu tha se bisedimet me Shtetet e Bashkuara mbi një plan për aneksimin e Bregut të okupuar do të vazhdojnë “në ditët e ardhshme”, duke lënë të kuptohet se kjo nuk do të ndodhë sot më 1 korrik, data kur ai njoftoi fillimin e procesit të diskutueshëm.

Netanyahu e tha këtë pas bisedimeve në Jeruzalem me të dërguarin e Shtëpisë së Bardhë Avi Berkowitz dhe Ambasadorin amerikan në Izrael, David Friedman.

Të dy palët kanë diskutuar për disa muaj përfundimin e hartave të zonës së Bregut Perëndimor që Izraeli do të aneksojë.

“Ne do të vazhdojmë të punojmë në ditët në vijim,” tha Netanyahu.

Ai dëshironte të fillonte aneksimin e territorit të Bregut Perëndimor në përputhje me planin e Presidentit amerikan Donald Trump për Lindjen e Mesme.

Plani, i zbuluar në janar, do të thotë që pothuajse 30 përqind e Bregut Perëndimor mbetet nën kontrollin e vazhdueshëm të Izraelit, dhe se palestinezëve u jepet autonomi mbi pjesën tjetër të vendit.

Sidoqoftë, plani për të ribërë hartën e Lindjes së Mesme është kritikuar ashpër nga një pjesë e bashkësisë ndërkombëtare.

Sekretari i Përgjithshëm i KB, Bashkimi Evropian dhe vendet kryesore arabe kanë thënë se aneksimi do të shkelë ligjin ndërkombëtar dhe do të zvogëlojë shumë perspektivat për pavarësinë e Palestinës.

Planet për territorin

Palestinezët kundërshtuan plotësisht planin e Trump.

Ata aspirojnë ta bëjnë Bregun Perëndimor një pjesë të madhe të shtetit të tyre të ardhshëm që do të përfshinte Rripin e Gazës, dhe ku kryeqyteti do të ishte Jeruzalemi Lindor.

Izraeli pushtoi atë territor në luftën e vitit 1967.

Komuniteti ndërkombëtar e konsideron Bregun Perëndimor të okupuar dhe më shumë se 120 vendbanime hebraike mbi të si të paligjshme.

Përveç kundërshtimit ndërkombëtar, Netanyahu po përballet me rezistencë nga partneri i tij i koalicionit në qeverinë e unitetit kombëtar, Ministri i Mbrojtjes Benny Gantz.

Zyrtarët e SHBA kanë thënë se nuk duan që plani të realizohet nëse Netanyahu dhe Gantz nuk bien dakord.

Gantz, një ish-shef i shtabit i cili është edhe një kryeministër alternativ, tha të dielën se 1 korriku nuk është i shenjtë dhe se aneksimi do të presë ndërsa Izraeli merret me krizën shëndetësore dhe ekonomike për shkak të pandemisë së virusit korona. /tesheshi.com/

auto pjese dak

Related posts

WP2Social Auto Publish Powered By : XYZScripts.com