Auto Dak
Auto Dak
Auto Dak

Në SPAK nga Meta, ministrja Gjonaj: hap i duhur nga presidenti…pavarësisht absurditetit!

Pasi u kallëzua nga Meta në SPAK si “rrëmbyese kompetencash”, ministrja e drejtësisë Etilda Gjonaj u shfaq e gatshme për ballafaqim

“Sikur të mos i mjaftonte politika e dëshpëruar e dhunës verbale, sot Kreu i Shtetit ka gjetur kohën të paraqitet personalisht me të gjithë stafin e tij në zyrën e sekretarisë të SPAK, për të dorëzuar një kallëzim penal ndaj meje dhe stafit tim.

Në respekt të Kushtetutës dhe pozicionit tim zyrtar me Presidentin, reagimi im do jetë institucional kundrejt akteve të tij. E siguroj se jam gati t’i përgjigjem jo vetëm SPAK-ut ligjërisht po dhe atij vetë publikisht, institucionalisht dhe ligjërisht, me kulturë dhe etikë”, shkroi Gjonaj.

Sipas saj, është gjë e mirë që Meta vlerëson SPAK-un e dalë nga Reforma në Drejtësi.

“Pavarësisht absurditetit të kësaj historie, mbetet me rëndësi që Presidenti ka bërë hapin e duhur, njohjen e institucioneve e reja të Reformës në Drejtësi të cilën ai u lodh aq shumë duke e luftuar dhe përbaltur atë dhe cilindo që punon me të, shqiptarë dhe ndërkombëtarë.

Shpresoj që të pranojë punën e tyre edhe ditën kur drejtësia e re dhe SPAK të filloj të godasë në shenjat e njohura botërisht si njolla të Shqipërisë, politikanë dhe zyrtarë të lartë të njohur për korrupsionin dhe krimet e tyre në këtë vend. Koha që drejtësia të veprojë!”, shprehet gruaja në drejtimin e drejtësisë shqiptare. /tesheshi.com/

 

auto pjese dak

Related posts