Auto Dak
Auto Dak
Auto Dak

Në pritje të vaksinës anti-COVID, Guterres dhe Bill Gates e heqin nga lista e tregëtisë

Sekretari i Përgjithshëm i KB, Antonio Guterres tha të enjten se vaksina e ardhshme kundër koronavirusit COVID-19 duhet të konsiderohet një “e mirë publike botërore”, e cila duhet të jetë e disponueshme për të gjithë.

Ai tha këtë në hapjen e samitit ndërkombëtar për mbledhjen e fondeve për vaksinimin,.

Aleanca e Vaksinave shpreson të mbledhë 7.4 miliardë dollarë në takimin virtual, i cili bashkon më shumë se 50 vende dhe më shumë se 35 krerë shtetesh dhe qeverish, për të vazhduar fushatat globale të vaksinimit të rubeolës, poliomelitit dhe tifos, të cilat janë pezulluar kryesisht për shkak të pandemisë së COVID-19.

Kur bëhet fjalë për vaksinën kundër COVID-19, qëllimi i Aleancës është të mbledhë dy miliardë dollarë.

“Vaksina kundër COVID-19 duhet të konsiderohet një e mirë publike globale, një vaksinë për të gjithë njerëzit”, tha Sekretari i Përgjithshëm i KB në hapjen e samitit, duke përmendur që shumë liderë botërorë kishin apeluar në lidhje me këtë.

Ai paralajmëroi që shumë fushata vaksinimi ishin pezulluar për shkak të pandemisë së virusit koronar.

Ai tha se 20 milion fëmijë nuk janë vaksinuar plotësisht, dhe çdo i pesti nuk është vaksinuar fare.

“Le të gjejmë mjete të sigurta për të vazhduar vaksinimet” përkundër pandemisë, apeloi ai, dhe “pasi vaksina COVID-19 është në dispozicion, le ta bëjmë atë të disponueshëm për të gjithë”.

Në një fjalim të shkurtër, Presidenti amerikan Donald Trump theksoi se virusi koronar ka treguar se nuk ka kufij për sëmundjen, dhe tha se bashkësia botërore do ta zgjidhë problemin së bashku.

Pritësi i samitit, Kryeministri britanik Boris Johnson, bëri thirrje për një “epokë të re bashkëpunimi” në botë, kur bëhet fjalë për shëndetin.

Filantropisti amerikan Bill Gates, fondacioni i të cilit është angazhuar në kërkimin e një vaksine kundër COVID-19, tha që kompanitë farmaceutike janë të vetëdijshme që vaksina është një e mirë publike dhe se fitimi nuk është qëllimi i tyre i vetëm.

Ai theksoi se vaksina, kur të jetë e disponueshme, do të shpërndahet në më shumë se 80 përqind të popullatës për të zhvilluar të ashtuquajturin imunitet tufe dhe për të mposhtur sëmundjen. /tesheshi.com/

 

auto pjese dak

Related posts

WP2Social Auto Publish Powered By : XYZScripts.com