Auto Dak
Auto Dak

Në pritje të Nobeli-t të Letërsisë: sot ndahet dy herë, edhe për vitin e kaluar

Çmimi Nobel për Letërsinë do të jepet sot, madje atë dy herë. Autorja e Handmaid’s Tale, Margaret Atwood, kandadezja Anne Carson dhe romancierja ruse Lyudmila Ulitskaya janë ndër emrat që përfliten si pretendent të çmimit për këtë vit.

Çmimi nuk u dha në vitin e kaluar pasi Akademia Suedeze e pezulloi për të bërë ndryshime në proceset e saj pasi u përfshi në një skandal të sulmit seksual.

Jean-Claude Arnault, burri i anëtares së komisionit për ndarjen e çmimeve, Katarina Frostenson, u dënua me dy vjet burg pasi u denoncua për përdhunim.

Frostenson u tërhoq nga komisioni dhe procesi shkaktoi një krizë në organizatë. Nga këtu, u ngritën dyshime lidhur me konflikte interesi dhe kurdisje të emrave të fituesve për Nobel. E gjitha rezultoi në ulje të besimit të publikut në Akademi.

“Reputacioni ynë është gjithçka për ne”, thotë Lars Heikensten, drejtor ekzekutiv i fondacionit Nobel. “Natyrisht, është e rëndësishme të shmangim këtë lloj situate në të cilën kemi qenë dhe sigurisht që ajo nuk mund të përsëritet më.”

Akademia gjithashtu ka bërë ndryshime në panelin e saj, duke sjellë disa anëtarë të rinj. Trupi tani do t’i lejojë anëtarët të japin dorëheqjen, gjë që ishte e ndaluar deri tani, dhe nuk do të tolerojë më në komision anëtarët që kanë qenë subjekt i konflikteve të interesave ose hetimeve penale. /tesheshi.com/

auto pjese dak

Related posts