Auto Dak
Auto Dak

STRATEGJIA/ PD i vihet Kajmakut të Vorës, reagon kryebashkiaku i ri: pse dikur quhesha Jorgo Toro

Në vijim të precesit të gërmimit në të kaluarën për bashkiakët e rinj socialistë të dalë nga 30 Qershori, PD po tenton “t’i bëjë rrethin” një tjetri emri pas atij të Valdrin Pjetrin, një sukses politik i saj, pasi arriti të provojë një dënim të tij në Itali në vitin 2003, të padeklaruar më parë nga ai që po planifikonte të drejtonte Shkodrën.

Fjala është për Agim Kajmakun e Vorës, një tjetër bashki që drejtohej nga demokratët prej 3 mandatesh.

Ka qenë Sekretari i Përgjithshëm i PD, Gazmend Bardhi i cili i është drejtuar me një kërkesë Prokurorisë  së Përgjithshme për të verifikuar figurën e Kajmakut, ku shkruan se.

“Ai dyshohet se ka qenë i arrestuar/ndaluar në Greqi dhe, më pas, ndaj tij është marrë masa e dënimit dhe dëbimit nga autoritetet përgjegjëse greke”.

Sipas njeriut nr.2 të PD-së, Agim Kajmaku ka patur madje dhe emër tjetër.

“Në Formularin e Vetëdeklarimit shtetasi Agim Kajmaku alias Jorgo Toro ka deklarur se ka jetuar për 5 vite në Greqi. Nga verifikimi i të dhënave të sistemit TIMS rezulton se shtetasi Agim Kajmaku alias Jorgo Toro nga periudha 2004 – 2016 nuk ka udhëtuar në asnjë rast të vetëm në drejtim të Greqisë, çka përbën një indicie për saktësinë e të dhënave të bëra publike më parë”, argumenton Bardhi.

Por në një reagim të Kajmakut, ky i fundit e pranon pa drojë ndryshimin e emrit, madje duke e interpretuar dhe politikisht.

“Unë ashtu si dhe shumë e shumë shqiptarë që kanë emigruar në Greqi në vitet `90, më është dashur të ndryshoj emrin dhe mbiemrin për tu pajisur me dokumenta qëndrimi. Sepse fatkeqsisht ky ka qenë niveli i mbrojtjes për emigrantët nga shteti shqiptar në ato kohë kur Sali Presidenti i futi dy gishtat në sy këtij vendi.

Këtë gjë nuk e kam bërë në shkelje të ligjit, por me Vendim të Këshillit të Komunës Prezë, Nr 06/1, Datë 06.02.1996, “Ndryshim emri dhe mbiemri nga Agim Kajmaku në Jorgo Toto”. Përmes këtij ndryshimi, munda që të siguroj një vizë nga Ambasada Greke për vete dhe familjen.

Prej vitit 1996, bashkë me bashkëshorten time Rita, hapëm një biznes tregëti Lulesh Natyrale. E kam drejtuar vetë atë biznes deri në korrik të vitit 2019 kur u zgjodha

Kryetar i Bashkisë Vorë. Biznesin e nisëm me furnizim nga shteti grek dhe kemi punuar për rreth 8 vjet, deri në vitin 2004 me Greqinë.

Ndërkohë me vendim të Këshillit të Komunës Prezë, Nr 19, Datë 30.03.2004, kam

“Ndryshim emri dhe mbiemri nga Jorgo Toto në Agim Kajmaku”. Kjo për shkak se jo vetëm mundësitë e biznesit ishin zgjeruar në vende të tjera të Evropës, por lindi nevoja të administroja pronat e familjes time.

Pavarësisht ndryshimit të emrit për arsye dokumentare, unë Agim Kajmaku gjithmonë kam mbajtur të njejtin emër të babait, nënës dhe të ditës time të lindjes edhe me emrin Jorgo Toto. Prandaj është shumë kollaj e verifikueshme a kam qëne i dënuar apo jo.

E dija që kur i hyra kësaj rruge për të drejtuar Bashkinë e Vorës, se Sali Baba me dyzet qentë e tij do të sulmonin për me kafshu!

Po, kam ndryshuar emrin!

Po, kam zbatuar ligjin dhe e kam deklaruar kudo e kurdo!

Jo! Nuk kam qenë asnjëherë i dënuar”, shkruan Kajmaku. /tesheshi.com/

 

 

auto pjese dak

Related posts