Auto Dak
Auto Dak
Auto Dak

MORTORE/ Edi mbetet pa nënën: shuhet Neta Rama

Ka ndërruar jetë Aneta Rama, e ëma e kryeminsitrit Edi Rama, e kjo një ditë pasi ky i fundit përkujtoi me një dedikim ikjen nga jeta të të atit 22 vite më parë, Kristaq Rama.

“Ishe drita dhe guri këndor i shtëpisë ku u rritëm e u bëmë burra, e ku mbetëm gjithnjë fëmijë. E di, që deri sa të shoh dot diellin e yjet do të jesh me mua, e bukur dhe e fortë si askush. Do të na mungosh shumë, por asgjë më shumë nuk bëje dot për ne sesa e pamundura që bëre plot përkushtim gjithë jetën, prandaj prehu në paqe mam”, shkruan i pari i qeverisë.

Më tej, nuk jepen detaje se nga se ajo, Aneta Rama, Neta siç i thërrisnin shkurt, ka ndërruar jetë.

Nuk dihet gjithashtu nëse i biri kryeministër e takonte në këto kohë pandemike, pasi në kushtet e javëve të karantinës së përgjithshme thoshte se nuk e takonte për hir të ruajtjes së shëndetit të saj.

Aneta Rama jetonte aty ku Ramajt kanë jetuar prej dekadash, në një pallat rrugën kryesore në afërsi të  shkollë “Sabaudin Grabrani”, në katin e katërt.

Ajo ishte me origjinë nga Vunoi, nga Kolekajt, vajzë xhaxhai me Spiro Kolekën, gjë që ndër vite u shfrytëzua nga kundërshtarët politikë për ta shenjuar Ramën si “nip bllokmeni”.

Aneta  Rama ka qenë stomatologe me profesion, pranë QSUT-së, e konsiderohet një ish-kolege me Berishën, kur ky i fundit ushtronte kardiologun. /tesheshi.com/      

 

 

auto pjese dak

Related posts