Auto Dak
Auto Dak

Mihal Kokëdhima, edhe “mëkatar”: ish-restoranti i tij, mbi një kishë të vjetër

Mihal Kokëdhimës, njeriut-hit të kësaj vere në Shqipëri, i është zbuluar një tjetër shkelje. Bëhet fjalë për “mëkatin” e ndërtimit të restorant “Panorama”-s, tashmë i rrafshuar, mbi rrënojat e një kishe të vjetër. Eshtë Shqiptarja.com që raporton se aty ku bujëmadhi Kokëdhima kishte ndërtuar biznesin e tij, pranë Porto Palermos mes Qeparoit dhe Himarës, kanë qenë dikur një kishë e vjetër.

Aty citohet kreu i  Drejtorisë rajonale të monumenteve në Vlorë, Orgest Feimi, i cili ka pohuar se “një grup pune nga drejtoria kanë shkuar në rrënojat e lokalit të Mihal Kokëdhimës së bashku me përgjegjësit e sektorit të artit dhe të monumenteve, pasi janë njoftuar se kanë parë disa mure të vjetra, ku pretendohet se është një kishë e vjetër, e të tjera shenja”.

Ndërsa banorë të zonës, sipas Shqiptarja.com, janë shprehur se braktisja e saj në shekuj mendohet të ketë ndodhur për shkak të ngritjes përballë saj të kishës së Kalasë së Palermos që ndërtoi Ali Pashë Tepelena. “Por vendi duke qenë një gji, ku zbarkonin peshkatarët dhe është konsideruar si një vend i shenjtë. Aty ku peshkatarët luteshin për mbrojtje ndaj fatkeqësive në det”, është shprehur Orgest Feimi.

“Panorama” u fshi nga Ndërtimorja ditë më parë, me Mihal Kokëdhimën pas hekurave, fill pas incidentit të pazakontë mes tij dhe një grupi turistësh spanjollë. Ishte ky rast kur qeveria “u kujtua” se biznesi i Kokëdhimës ishte pa leje. /tesheshi.com/     

 

 

 

 

auto pjese dak

Related posts