Auto Dak
Auto Dak
Auto Dak

NERVOZIZMI/ Meta sulmon median që edhe e satirizon, komentohet “neurologjikisht” nga Rama

Presidenti Meta ka sulmuar për herë të parë një media, e cila është jo vetëm kundra tij por dhe e satirizon atë në rubrikat e saj të posaçme të humorit. Bëhet fjalë për Temën e Mero Bazes, një ndër penat më të hidhura dje dhe sot ndaj Metës.

Për kreun e shtetit, Tema është denoncuar dhe nga strukturat europiane.

Një garanci më shumë se Referendumi do triumfojë në 25 prill është edhe rreshtimi kundër tij, i Gazetës Tema, të denoncuar edhe në raportin e Parlamentit Europian, si media më e pabesueshme në Shqipëri e Europë dhe si një nga shpërndarëset më të mëdha të lajmeve të rreme”, shkruan Meta.

Ndërkohë, ai mbron me forcë në një status të fundit llojin e protagonizmit që ka zgjedhur, ku për shumëkënd të është qartazi një ikje nga roli i presidentit, post të cilin mban zyrtarisht.

“Tmerri i tyre është angazhimi publik i Presidentit të Republikës në mbrojtje të Kushtetutës dhe votës së lirë. Ndaj me gënjeshtra të orkestruara nga kryeoligarku e të bëra publike në mediat e kapura prej tij, kujtojnë se do të frenojnë Presidentin të bëjë detyrën kushtetuese për të mbrojtur votën e lirë të qytetarëve shqiptarë, që është fuqia dhe e ardhmja e tyre.

Kot lodhen me shpifje, shantazhe, frikësime, gjoba arbitrare, fabrikime sondazhesh të gënjeshtra për të demoralizuar qytetarët të votojnë apo me blerje ‘opozitarësh’, që kurrë nuk kanë mbrojtur interesin publik e kombëtar por që mendojnë vetëm për ‘përsheshin’ e radhës”, shkruan ndër të tjera njeriu që mban postin e lartë të kreut të shtetit, që sipas Kushtetutës është simbol i unitetit kombëtar.

Reagoi menjëherë botuesi i Temës, gazetari Mero Baze.

“Ilir Meta u ka bërë thirrje shqiptarëve ta kthejnë 25 prillin në referendum kundër gazetës Tema. Me sa duket e nisi si betejë politike kundër Edi Ramës dhe po e përfundon si rival i gazetës Tema meqë është pronar ilegal shtypi.

Ilir! Nuk ta ka fajin gazeta Tema që investon në media të dështuara dhe shpif në emër të Parlamentit Evropian. Ai raport që shtrembëron ti e vlerëson gazetën Tema si median më të madhe investigative në vend ndwrsa Tv Syrin ku hedh paratë dhe pronen twnde, si prodhues të lajmeve të rreme”, shkroi Baze.

Ndërsa sipas Ramës, siç tha shefi i qeverisë në një prononcim të fundit këtë të hënë, është mjaft e qartë ajo që po bën Meta.

“Nuk ka nevojë për komente, veprimtaria ilegale e Metës është në sytë e të gjithëve.

Meta nuk është në lartësinë e detyrës që i ngarkon Kushtetuta, por është nën çdo nivel të justifikueshëm edhe për një person që ka humbur marrëdhënien me trutë e kokës, një president që bën propagandë kundër qeverisë, që flet me një gjuhë rruge, që lëviz ditën e natën për qëllime elektorale, që e ka vënë Presidencën në dispozicion të LSI dhe që çdo ditë humbet nivel në raport me detyrën nuk ka nevojë ta komentojë unë, se të gjithë e shohin dhe e ndjejnë dhe të gjithë do e dënojnë në 25 prill”, tha Rama. /tesheshi.com/

 

 

 

 

auto pjese dak

Related posts