Auto Dak
Auto Dak

REALITETE/ Meta, sulm Ramës dhe për numrin e nxënësve. Po a e di presidenti ç’ndodh në Kroaci?

Me një theks të dukshëm politik, pasi e përfudon statusin e tij me slloganin “Zgjidhja nuk është largimi por NDRYSHIMI!” – vëre: këtë të fundit me gërma kapitale – presidenti Meta ka përcjellë shqetësimin e uljes së numrit të nxënësve, referuar një reportazhi të VOA-s.

Të dashur miq, Nisja e vitit të ri shkollor është një ngjarje e gëzueshme për shoqërinë tonë.

Shumë urime pati dje. Por nga sot duhet të reflektojmë për tkurrjen dramatike të popullsisë, që po ndikon drejtpërsëdrejti edhe në sektorin e arsimit. Çdo vit që kalon shkollat po përballen me sfidën e uljes së numrit të nxënësve. Është koha të mendojmë seriozisht për të ardhmen tonë, për t’i dhënë fund antagonizmit të paprinciptë politik që ka sjellë një erozion të tmerrshëm social, jo vetëm vlerash dhe besimi”, shkruan Meta, duke e finalizuar statusin e tij me: “Zgjidhja nuk është largimi por NDRYSHIMI!”

Nga ana tjetër,  ministrja e Arsimit Besa Shahini, reagoi ndaj kreut të shtetit duke thënë se “rënia e numrit të nxënësve në shkolla, nuk është ekskluzivitet i Shqipërisë”.

“Braktisja e shkollës ka rënë në mënyrë drastike dhe tërheqja e nxënësve nga 9-vjeçari në gjimnaz është më e lartë. 4000 mijë nxënës nuk kanë vazhduar gjimnazin në kohën e Berishës, ndërsa sot 1300 falë politika tona. Vendi sot ka 1000 mësues ndihmës”, tha ajo.

Ndërkohë, mediat kroate, vend në BE dhe një ndër më të zhvilluarat në rajon, njoftonin ditë më parë se në afro 130 shkolla në të gjithë Kroacinë, kishte patur zero regjistrime në klasën e parë.

Duhet kujtuar me këtë rast se fenomenin e ikjes, apo dhe të tkurrjes demografike, po e vuajnë dhe fqinj rajonalë si Maqedonia, Kosova, Serbia etj. Sigurisht edhe Kroacia. /tesheshi.com/         

auto pjese dak

Related posts