Auto Dak
Auto Dak

Mes abstraksionizmit të bienales së veprave të artit në letër, edhe “Dimri i madh” i Kadaresë

Prej disa ditësh, qytetarët e Tiranës, por dhe të tjerë, kanë mundësinë të njihen me vepra të shumta arti, të ekspozuara në Muzeun Historik Kombëtar, në kuadër të edicionit të gjashë ndërkombëtar të veprave të artit në letër.

Tematike e tyre është përgjithësisht abstrakte, e cila do pak mund për tu kuptuar dhe përthithur, qoftë në rrafshin e mesazhit dhe idesë nga ana e vizitorëve, por edhe interpretimi kërkon një nivel të lartë të njohjes së artit.

foto 4Megjithatë, kjo nuk i ka ndaluar aspak vizitorët e kryeqytetit të dynden në dyert e Muzeut Historik, ku edhe po mbahet bienalja, për të parë dhe kuptuar sa munden, këtë art në letër.

Kuratori i kësaj ekspozite, Anselmo Vilata, në bashkëpunim me Institutin Italian të Kulturës në Tiranë dhe me kuratorin shqiptar Alfred Milot Mirashi, kanë mundur të sjellin në vendin tonë veprat e 50 artistëve, shqiptarë, italianë dhe të tjerë, të cilat janë kompozuar në kohë të ndryshme.

Tematika e tyre është e larmishme, ndërsa vihet re mbizotërimi i veprave abstrakte. Mes ekspozimeve të shumta, vizitorët mund të gjejnë edhe “Dimrin e madh” të shkrimtarit shqiptar Isamail Kadare, pikturë e realizuar nga Adrian Isufi, në vitin 2013.

Është një ndër veprat më të veçanta të ekspozuara, për të mos thënë më e veçanta, në të cilën, krahas pikturës tradicionale, shtohet edhe një pjatë e ngjyrosur, e mbrojtur brenda kornizave të xhamit, që rrethojnë veprën.

Bienalja është inaguaruar më 8 prill, në një ceremoni ku ka në qenë të pranishëm artistë të shumtë dhe përfaqësues të ministrisë së Kulturës. Ajo do të jetë e hapur për vizitorët deri më 8 prill./tesheshi.com/

auto pjese dak

Related posts