Auto Dak
Auto Dak
Auto Dak

Mbyllet takimi Thaçi-Vuçiç: cilësohet si “më i vështiri” në 6 vjet

residenti Hashim Thaçi e ka quajtur takimin e sotëm me homologun serb Aleksandër Vuçiç, si më të vështirën në gjashtë vitet e fundit, pra prej kur zhvillohen bisedime me palën serbe.

“Ka qenë takim i shkurtër, takim jo i lehtë, shumë i vështirë. Ma i rëndi në këto gjashtë vitet e fundit. Nuk do të jetë e lehtë, takimet e ardhshme do të jenë edhe më të vështira. Ka qenë takim i rëndë, sepse Serbia ende mendon që Kosova është pjesë e saj, ende jeton me mentalitetin e së kaluarës”, ka thënë Thaçi pas takimit.

Ai më tej shtoi se po punohet maksimalisht që të arrihet një marrëveshje përfundimtare.

“Unë shoh dritë në fund të tunelit, por do të jetë e vështirë. Vuçiç duhet të kuptoj që Kosova është vend sovran, por duhet të punojmë ende që të arrijmë marrëveshje përfundimtare”, ka deklaruar Thaçi.

Ai tutje është shprehur se marrëveshja finale do të lehtësonte të ardhmen e dyjave vendeve.

“Kjo marrëveshje lehtëson të ardhmen e dy vendeve për të sjell mirëkuptim dhe pajtim. Nuk pres që procesi të lehtësohet në ditët e javët e ardhshme, pres vështirësi dhe pengesa si dhe provuese më të rënda në maratonën e negociatave. Dialogu nuk ka alternativ pro, duhet të jetë i dinjiteshëm për të dy vendet, tash se si do të sillet Serbia u takon atyre. Por, sa më herët që lirohemi nga e kaluara, e kuptojnë realitetin e Kosovës sovrane do të jetë më mirë. Ne nuk parashtrojmë kërkesa ndaj Serbisë në takim, ne veprojmë sipas kushtetutës. Ende po mungon guximi që Serbia të lirohet nga barra e padrejtë që i ka bërë Kosovës. Serbia duhet të lirohet në kuptimin mental ndaj asaj që ia ka bërë Kosovës. Nuk ka rikthim prapa, ne këtu jemi për të fituar e jo për të humbur, ose do të paguajnë çmim të madh dy vendet, është shumë me rëndësi që BE është unik në mbështetjen për dialogun Kosovë-Serbi”, ka deklaruar Thaçi.

Vuçiç: Kosova dëshiron ta njohim, por gjërat s’funksionojnë ashtu

Presidenti serb Vuçiç ka deklaruar se nga përfaqësuesit kosovarë kërkohet njohja e Kosovës, por sipas tij, gjërat nuk funksionojnë ashtu.

“Çështja e njohjes së Kosovës është një bisedë me të cilën unë përballem çdo ditë. Përfaqësuesit e Kosovës na kërkojnë vazhdimisht një gjë të tillë, por gjërat nuk funksionojnë kështu. Të dy palët duhet të bëjmë kompromise në çështje të rëndësishme. Ne jemi të gatshëm të bëjmë kompromise”, ka deklaruar Vuçiç.

Kurse Zyra e Përfaqësueset së Lartë të Bashkimit Evropian, Federica Mogherinit, ka njoftuar se në takimin mes Thaçit e Vuçiçit u diskutua për hapat drejt arritjes së një marrëveshjeje të obligueshme.

Në njoftim thuhet se presidentët u pajtuan për takimin e radhës pas disa javësh, por nuk jepet një datë e saktë. /tesheshi.com/

auto pjese dak

Related posts