Maradona: krenar për Messin, por Ronaldo është një kafshë!

Diego Armando Maradona tha se ai ishte i impresionuar nga loja e Cristiano Ronaldos në hakmarrjen ndaj Atletico Madrid, ku portugezi shënoi një tregolësh për të mos u harruar, duke e çuar Juven në raundin e ardhshëm të Ligës së Kampionëve.

Maradona bëri një krahasim mes Leo Messit dhe Ronaldos, duke i dhënë një vlerësim origjinal portugezit.

“Të dy janë lojtarë që luajnë sikur të kenë një shkop magjik në dorë. Vërtetë, ne në Argjentinë jemi krenar për Messin, por Ronaldo është një kafshë, ai është një fuqi, një magji e futbollit. Para ndeshjes tha se do të shënonte tre gola dhe e bëri realitet premtimin”, tha Maradona.

Në përballje me Atletico-n, drejtuar nga një tjetër argjentinas, Diego Simeone, Ronaldo shënoi  në minutat e ‘27, ‘48 dhe ‘86.

Me rezultatin 3-0, Juve arriti të kthejë rezultatin e ndeshjes së parë të cilën e humbi 2-0, duke ecur dhe më tej drejt synimit për të marrë Champions-in e këtij sezoni. /tesheshi.com/

auto pjese dak

Related posts