Auto Dak
Auto Dak

Maqedonasi nga Shqipëria mohon të jetë bullgar: Sofja, presion Tiranës për një minoritet që s’ekziston

Nga Miradie Hasani

Shqipëria, duke u gjendur nën presion të Bullgarisë  se mund t’i vendosë asaj veto  çeljen e negociatave gjatë përiudhës së Presidencës 6- mujore të BE-së (Tirana zyrtare e shpreson këtë në pranverë, ndërkohë që Bullgaria sapo e ka marrë kryesimin e Unionit), në moment të fundit pranoi ekzistimin e minoritetit bullgar në vend. Edhe pse në asnjë regjistrim të popullsisë deri më tani, askush nuk është shprehur si bullgar, me ligjin e ri për minoritetet, vendi e pranoi minoritetin bullgar, gjë që paraqet padrejtësi të madhe ndaj maqedonasve. Këtë qëndrim ka shprehur Vasil Sterjovski, anëtar i partisë së maqedonasve në Shqipëri, Aleanca maqedonase për Integrim Europian. Ai origjinën e ka nga Prespa e Vogël por jeton në Korçë dhe thotë se Bullgaria kërkon bullgarë në vendet ku jetojnë maqedonas.

“Ne si komunitet maqedonas nuk kemi asgjë kundër pranimit të minoritetit bullgar ose ndonjë tjetër minoriteti, por jemi kundër kësaj për shkak se bëhet fjalë për të njëjtin territor dhe për të njëjtët njerëz, bëhet fjalë për ne, maqedonasit. Sepse bullgarët kërkojnë bullgarë atje ku jetojnë maqedonas, në Gora, Prespë, Gollo Bërdo. Hapi i ardhshëm i Bullgarisë do të jetë mohimi i komunitetit maqedonas dhe pranimi i komunitetit bullgar në këto territore në Shqipëri”, tha Sterjovski.

Sipas tij, Bullgaria vazhdimisht praktikon propagandë, e vjedh folklorin e maqedonasve duke e prezantuar atë si folklor të bullgarëve në Shqipëri.

“Bullgaria që nga viti 1990 vazhdimisht bën propagandë spekulluese. Në vitet e para kanë dërguar ekspedita studiuesish; shkencëtarë, historianë, folkloristë e kanë marrë folklorin  maqedonas në Shqipëri dhe këtë gjë vazhdojnë ta bëjnë çdo vit. I vizitojnë të gjitha fshatrat dhe qytetet ku jetojnë maqedonas në Shqipëri dhe e marrin folklorin e tyre dhe pastaj shkojnë në Bullgari dhe e prezantojnë si folklor të bullgarëve në Shqipëri”, shtoi Sterjovski.

Komuna simbol e maqedonasve në Shqipëri është Pusteci, vizituar javë më parë nga kryeministrat Edi Rama dhe ai maqedonas Zoran Zaev, si dhe fundi nga presidenti Meta. /tesheshi.com/

 

 

auto pjese dak

Related posts