Auto Dak
Auto Dak
Auto Dak

Lufta në Nagorni: Azerbajxhani pretendon fitoren e parë, Erdogan paralajmëron Armeninë (video)

Ushtria azerbajxhanase tha se çliroi majën e Murovdag nga pushtimi armen, vargmali më i lartë malor në Kaukazin e Vogël.

Ministria e Mbrojtjes e Azerbajxhanit njoftoi se maja e Murovdag u çlirua gjatë një kundërsulmi të nisur nga forcat azerbajxhanase pas sulmeve artilerie të mëngjesit të sotëm nga forcat armene në vendbanimet dhe pozicionet ushtarake të Azerbajxhanit.

Deklarata tha se kapja e majës së Murovdag është strategjikisht e rëndësishme sepse ushtria azerbajxhanase do të jetë në gjendje të monitorojë rrugët që lidhin Armeninë me vendbanimet në territorin e Azerbajxhanit, të cilat ushtria armene i mban nën okupim.

Thuhet gjithashtu se forcat azerbajxhanase do të jenë në gjendje të parandalojnë lëvizjen e autokolonave ushtarake armene drejt vendeve të pushtuara Kelbecer dhe Agdere.

Ndërkohë, ka reaguar dhe presidenti Erdoga, duke paralajmëruar se Turqia do jetë logjistika e Azerbajxhanit në këtë luftë.

“Populli turk është sot, si gjithmonë, me të gjitha mjetet në dispozicion, së bashku me vëllezërit e tyre azerbajxhanas,” tha Erdogan në një mesazh të postuar në Tëitter.

Presidenti turk gjithashtu tha se bashkësia ndërkombëtare tregon edhe një herë se ajo ka standarde të dyfishta dhe në shembullin e një përgjigje joadekuate ndaj agresionit provokues të Armenisë.

“Dhe treshja e Minskut, e cila sillet pa kujdes për gati 30 vjet, fatkeqësisht është larg nga të vepruarit në drejtim të zgjidhjes së problemit. Ne i bëjmë thirrje popullit armen të luftojë për të ardhmen e tij kundër qeverisë dhe atyre që i shtyjnë ata të shkatërrohen dhe t’i përdorin ato si kukulla dhe ne i bëjmë thirrje të gjithë botës që të qëndrojë pranë Azerbajxhanit në luftën e tij kundër pushtimit dhe së keqes”, tha Erdogan.

Erdogan tha se foli në telefon me homologun e tij azerbajxhanas Ilham Aliyev dhe se ai u bind edhe një herë për qëndrimin e tij të vendosur.

Ai shtoi se në atë bisedë ai përsëriti se Turqia do të vazhdonte të mbështeste Azerbajxhanin dhe njerëzit vëllazërorë atje nën parullën “një popull, dy shtete”. /tesheshi.com/

auto pjese dak

Related posts