Auto Dak
Auto Dak
Auto Dak

Kuvendi maqedonas mbushet me “kriminelë e “tradhtarë”, boshnjaku Ferid Muhiq krah shqiptarëve

Nga Mensur Krasniqi

Ka nisur e dhjeta seancë konstituitive e Kuvendit maqedonas dhe, ajo çfarë konstatohet me vështrim të parë është ndarja e bllokut maqedonas në dy grupime antagoniste, sipas epiteteve që ata ia kanë ngjitur njëra-tjetrës: “kriminelët” dhe “tradhtarët”. Deputetët e LSDM-së akuzojnë kolegët e VMRO-së se janë kriminelë të cilët e kanë okupuar Kuvendin dhe pamundësojnë zhvillimin normal të procedurës parlamentare vetëm e vetëm që ta shpëtojnë nga burgu  Gruevskin së bashku me klanin e tij në parti. Nga ana tjetër, deputetët e VMRO-së vazhdojnë t’i quajnë si tradhëtarë përfaqësuesit e LSDM-së, pasi që si kusht për formimin e qeverisë kanë pranuar Platformën e Tiranës.

Reagimi i kryesuesit të seancës plenare, Trajko Veljanovski ishte që të ndërpritet me ofendimet, sepse siç tha ai,  shfrytëzimi i një fjalori të tillë nuk i ngjan të përzgjedhurve nga populli.

Ndër fjalimet veçoi ai i deputetit boshnjak në rradhët e LSDM-së, Ferid Muhiq, që tha se Deklarata e përbashkët e partive shqiptare nuk është kundër interesave të shtetit, ndryshe asnjëra nga partitë maqedonase nuk do të koaliciononte me ata.

“Nëse partitë shqiptare do të punonin kundër Maqedonisë, atëherë me ata nuk do të negocionte as VMRO dhe as LSDM. Nuk ekziston asnjë bazë për hedhjen e Deklaratës së partive shqiptare dhe shpalljen e zgjedhjeve të parakohshme parlamentare. Ju ftoj në emër të demokracisë të zgjedhim komisionin dhe kryetarin e Kuvendit”, tha deputeti Ferid Muhiq.

Ndërsa deputeti tjetër i LSDM-së, Petre Shilegov zbuloi hallin e deputetëve të VMRO-së. Sipas tij, atyre nuk u intereson as Kushtetuta dhe as Rregullorja, por një fletë e bardhë në të cilën do të shkruhet se amnistohet Nikolla Gruevski për krimet që ka bërë, dhe i gjithë ky teatër në Kuvend do marrë fund.

“Nëse pajtohemi që ta amnistojmë Nikolla Gruevskin gjithçka do të përfundojë: edhe protestat, edhe platformat, gjithçka. Më me rëndësi është për ju kjo fletë e bardhë dhe nëse unë në të e shkruaj se amnistohet Nikolla Gruevevski për të gjithë krimet që ka bërë”, tha Shilegov në Kuvend.

Kujtojmë që ndonëse kjo është seanca konstituive e 10-ta me rradhë, deputetët e VMRO-së vazhdojnë të paraqiten për fjalime dhe replika, vetëm e vetëm mos të kalohet në pikat kryesore të rendit të ditës për zgjedhjen e kryetarit të Kuvendit dhe formimin e qeverisë së re. /tesheshi.com/

auto pjese dak

Related posts