Auto Dak
Auto Dak
Auto Dak

VARGJET/ Parandjenja në këngën “Ju flet Corona”: Kujtim Prodani s’ja del dot nga COVID-i

COVID-i i ka marrë jetën një tjetër emir të njohur shqiptar, posaçërisht nga fusha e artit, kompozitorit dhe këngëtarit Kujtim Prodani.

I biri i dyshes ikonike të muzikës shqiptare Agim Prodani dhe Anita Take, ai merrte trajtim prej ditësh te “Shefqet Ndroqi”, por pa mundur të rehabilitohej e të vijonte jetën pas infektimit.

I pamartuar, jeta e tij ishte e ndarë mes Vjenës dhe Tiranës.

Kujtim Prodani njihej për kompozime moderne dhe të kultivuara, me tekste dhe fabula të ndjera këngësh, duke qenë një ndër lëvruesit më fisnikë të muzikës së lehtë shqiptare.

Por e veçanta e kësaj ikjeje tragjike, ishte se i ndjeri i kushtoi një këngë dhe vetë asaj që i morri jetën, Corona-s. Sikur ta parandjente!

Ja teksti saj:

Ju flet Corona..!

Askush nuk ta mësoi si thyhet befas jeta
Ditënatën ta jetosh në grimca pafundësie
As dashurinë ta ndash në vakte racionale
Më kot përpiqesh, nuk gjen dot manuale.  

I mësove të gjitha si në lojra fëmijërie
Patinat e kuqe në park, xhirot larg në Mars!
Trenin, avionin, raketat dhe poezitë
Të gjitha i mësove, përmendësh, natyrisht.

E tani, rregulloren e vetmisë studion
I flakur në shtrat gjersa mendja fiket
Formulat magjike ti sjell ndërmend
Të zbulosh, në dëshpërim, prej meje si iket.

Dhe unë të shoh nga larg, të shoh edhe nga afër
Ashtu të trembur si në klasën e parë
Hyj brenda teje, syrin t’shkel si gringo
Frymën ta marr po desha e zemrën ta ndal!

Por frymën ma ndal pika jote e lotit
Fryma e nxehtë e të dashurës që të pret
Frymën ma ndal enigmë e shpirtit tënd që s’vdes…!

Unë tretem ngadalë në brishtësinë tënde,
I humbur n’betejën time përjetësisht
Ti mbetesh aty, mbi Tokë, me kujtimin tim gdhendur
Që si ëndërr e keqe të kujtoi
Të jesh njeri,
Thjeshtë njeri,
I mirë siç lind,
Dashurisht njeri…! /tesheshi.com/    

auto pjese dak

Related posts