Auto Dak
Auto Dak

Kryebashkiakët e 35 metropoleve: si ta bëjmë ajër më të pastër, shpëtojmë qindra jetë

Dhjetëra kryetarë bashkie nga të gjitha kontinentet u zotuan të krijojnë kushte për ajër më të pastër, duke ndihmuar në këtë mënyrë në përmirësimin  e shëndetit të njeriut në qytete, si pjesë e luftës kundër ndryshimit të klimës.

Më shumë se 90% e njerëzve thithin ajrin e ndotur, i cili shkakton sëmundje dhe vdekje, paralajmëroi Organizata Botërore e Shëndetit (OBSH).

Ndotja e ajrit vret rreth shtatë milion njerëz në vit, kryesisht në qytete, tha Sekretari i Përgjithshëm i Kombeve të Bashkuara, Antonio Guterres në samitin C40 të kryetarëve të bashkive në Kopenhagë.

Drejtuesit e më shumë se 90 qyteteve, që përfaqësojnë më shumë se 700 milion njerëz dhe një të katërtën e ekonomisë botërore, u takuan në kryeqytetin danez këtë javë për të bërë përpjekje për veprim kundër ndryshimit të klimës.

Nga Los Angeles në Tokio, 35 qytete janë angazhuar të përmbushin standardet minimale të cilësisë së ajrit sipas standardeve të OBSH deri në vitin 2030, të cilat, thanë ata, mund të shpëtonin 40,000 jetë në vit.

“Ndotja e ajrit toksik është një krizë globale dhe është përgjegjësia jonë si kryebashkiakë të mbrojnë publikun nga ky vrasës i padukshëm”, tha kryetari i Londrës, Sadiq Khan.

Kryetari i Bashkisë së Lisbonës, Fernando Medina tha se kryeqyteti portugez uli çmimin e biletave të transportit publik në prill, pas së cilës rriti përdorimin e saj me 30% dhe rriti hapësirën e gjelbër – mbjelljet e reja u përhapën sa 200 fusha futbolli.

Kryebashkiaku i Milanos, Giuseppe Sala tha se qyteti italian planifikon të kalojë plotësisht në autobusë elektrikë brenda shtatë viteve.

“Politikisht, nuk është e lehtë t’u thuash njerëzve që nuk mund ta përdorin makinën e tyre, por ky moment është i nevojshëm”, tha Sala.

Kryebashkiakja e Parisit, Anne Hidalgo tha se kryeqyteti francez po vendos sensorë në shkolla dhe autobusë për të matur nivelet e ndotjes dhe se është planifikuar një ndalim për të gjitha automjetet me naftë në Paris deri në vitin 2024 dhe të gjitha makinat e karburantit të lëngshëm deri në vitin 2040.

“Epoka e emetimeve toksike që helmojnë ajrin që thithim të gjithë po i vjen fundi”, deklaroi ajo. /tesheshi.com/

 

auto pjese dak

Related posts